1 मै अपणी आँख पहाड़ां की ओड़ लगाऊँगा।

मन्‍नै मदद कित्त तै मिलैगी?

2 मन्‍नै मदद यहोवा की ओड़ तै मिलै सै,

जो अकास अर धरती नै बणाण आळा सै।

3 वो तेरे पैरां नै टळण न्ही देगा,

तेरा रुखाळी कदे ना ऊँघैगा।

4 सुण, इस्राएल का रक्षक,

ना ऊँघैगा अर ना सोवैगा।

5 यहोवा तेरा रुखाळी सै;

यहोवा तेरी सोळी और तेरी आड़ सै।

6 ना तो दिन के घाम तै,

अर ना रात की चाँदणी तै तेरा किमे नुकसान होवैगा।

7 यहोवा सारी मुसीबत तै तेरी हिफाजत करैगा:

वो तेरी जान की हिफाजत करैगा।

8 यहोवा तेरे आणे जाणे म्ह

तेरी रुखाळी इब तै लेकै सदा ताहीं करदा रहवैगा।