1 यहोवा की स्तुति करो!

हे यहोवा के दासों स्तुति करो,

यहोवा कै नाम की स्तुति करो!

2 यहोवा का नाम

इब तै लेकै सदा ताहीं धन्य कह्या जावै!

3 उदयाचल तै लेकै अस्ताचल तक,

यहोवा का नाम स्तुति कै लायक सै।

4 यहोवा सारी जातियाँ कै उप्पर बड़ा महान सै,

अर उसकी महिमा आसमान तै भी ऊँच्‍ची सै।

5 म्हारे परमेसवर यहोवा बरगा कौण सै?

वो तो ऊँच्‍चे पै बैठ्या सै,

6 अर अकास अर धरती पै भी,

देखण खात्तर झुकै सै।

7 वो कंगाल नै माट्टी पै तै,

अर गरीब नै राख के ढेर पै तै ठा कै ऊँच्‍चा कर सै,

8 ताके उसनै प्रधानां कै गैल,

यानी अपणी प्रजा कै प्रधानां कै गैल बिठावै।

9 वो बाँझ नै घर म्ह बाळ-बच्‍चां की खुशी मनाण आळी माँ बणावै सै।

यहोवा की स्तुति करो!