माणस की बेकूफी अर दुष्टता
प्रधान बजाण आळे खात्तर महलत की राग पै दाऊद का मश्कील
1 बेकूफ नै अपणे मन म्ह कह्या सै, "कोए परमेसवर सै ही कोन्या।"
वे बिगड़ गए, उननै बेशर्मी के घिनोणे काम करे सै;
कोए धर्मी कोन्या।
2 परमेसवर नै सुर्ग तै माणसां के उप्पर निगांह करी
ताके देक्खे की कोए बुद्धि तै चलण आळा
या परमेसवर नै पूच्छण आळा सै के न्ही।
3 वे सारे के सारे हटगे; सारे एकदम बिगड़गे;
कोए सुकर्मी न्ही, एक भी न्ही।
4 के उन सारे अनर्थकारियाँ नै कुछ भी ज्ञान कोनी,
जो मेरे माणसां नै लूट कै खावै सै53:4 जो मेरे माणसां नै लूट कै खावै सै जो मेरे माणसां नै रोट्टी की तरियां खावै सै
पर परमेसवर का नाम न्ही लेंदे?
5 ओड़ै उनपै डर छाग्या जित्त डर का कोए कारण भी ना था।
क्यूँके यहोवा अधर्मी माणसां की हाड्डियाँ नै जो तेरे बिरुध्द छावणी डाले पड़े थे, आस्सै-पास्सै कर देवैगा,
वे माणस आप्पे शर्मिन्दा होवैगें क्यूँके
परमेसवर नै उन ताहीं त्याग दिया सै।
6 भला होन्दा के इस्राएल का उद्धार सिय्योन तै लिकड़दा!
जिब परमेसवर अपणी प्रजा नै गुलामी तै उल्टा ले आवैगा।
फेर याकूब मगन अर इस्राएल खुश होवैगा।