1 हे यहोवा परमेसवर सच्‍चाई के वचन सुण, मेरी पुकार की ओड़ ध्यान दे।

मेरी प्रार्थना की ओड़ जो बिना कपट के मुँह तै लिकड़ै सै कान लगा।

2 मेरै मुकदमे का फैसला तेरे स्याम्ही हो!

तेरी आँख न्याय पै लाग्गी रहवै।

3 जै तू मेरै मन नै परखदा तो जै तू रात नै मन्‍नै सिखान्दा,

जै तू मन्‍नै परखदा तोभी खोट्टापण न्ही पान्दा;

मेरै मुँह तै अपराध की बात न्ही लिकड़ैगी।*

4 मानवीय काम्मां म्ह मै तेरे मुँह के वचन कै जरिये

अधर्मियाँ के राह तै अपणे-आप ताहीं बचाए राख्या।

5 मेरै पाँ तेरे राह म्ह मजबुत्ती तै टिके रहवै, फिसळै न्ही।

6 हे परमेसवर, मन्‍नै तेरे तै प्रार्थना करी सै, क्यूँके तू मन्‍नै जवाब देवैगा।

अपणा कान मेरी ओड़ लगाकै मेरी बिनती सुण ले।

7 तू जो अपणे सोळे हाथ तै अपणे

शरणागतां नै बिरोधियाँ तै बचावै सै,

अपणी अदभुत करुणा दिखा।

8 अपणी आँख्यां की पुतली की तरियां हिफाजत कर,

अपणे पंखां कै तळै मन्‍नै लह्को के राख,

9 उन दुष्टां तै जो मेरै पै जुल्म करै सै,

मेरी जान के दुश्मनां तै जो मन्‍नै घेरे खड़े सै।

10 उननै अपणे मन करड़े कर लिये सै;

उनकै मुँह तै घमण्ड की बात लिकड़ै सै।

11 उननै कदम-कदम पै मेरे ताहीं घेरया सै;

वे म्हारे ताहीं धरती पै पटकण खात्तर

दा लगाये बेठ्ठे सै।

12 वो उस शेर की तरियां सै जो अपणे शिकार की लालसा करै सै,

अर जवान शेर की तरियां दा लगाई होई जगहां म्ह बैठ्या रहवै सै।

13 उठ, हे यहोवा!

उसका सामना कर अर उसनै पटक दे!

अपणी तलवार कै जोर पै मेरी जान बैरी तै बचाले।

14 अपणा हाथ बढ़ाकै हे यहोवा, मन्‍नै माणसां तै बचा,

यानी संसारिक माणसां तै जिनकी साझेदारी इस्से जीवन म्ह सै,

अर जिनका पेट तू अपणे भण्डार तै भरै सै।

वे बाळ-बच्‍चां तै संतुष्ट सै; अर बाक्‍की सम्पत्ति अपणे बाळकां खात्तर छोड़ जावै सै।

15 पर मै तो धर्मी होकै तेरा मुँह देक्खुँगा

जिब मै जाग्गूंगा तब तेरे स्वरूप तै संतुष्ट होऊँगा