1 इस्राएल इब न्यू कहवै,

"मेरे बचपन तै लोग मन्‍नै बार-बार क्ळेश देन्दे आए सै,

2 मेरे बचपन तै ए वो मन्‍नै बार-बार क्ळेश देन्दे तो आये सै,

फेर वो कदे भी मेरे पै हावी न्ही होए।

3 हाळियाँ नै मेरी पीठ कै उप्पर हळ चलाया,

अर लाम्बी-लाम्बी लकीर बणाई।"

4 यहोवा धर्मी सै;

उसनै मेरे ताहीं दुष्टां की गुलाम्मी तै छुड़ाया;*

5 जितने सिय्योन तै बैर राक्खै सै,

वो सारे शर्मिन्दा हों, अर हार कै पाच्छै हट जावै!

6 वो छात पै घास की तरियां होवै सै,

जो बढ़ण तै पैहल्या सुख जावै सै;

7 जिसतै काटण आळा अपणी मुट्ठी न्ही भरदा, अर

ना पूळियाँ नै बांधण आळा अपणी आँगो भरण पावै सै,

8 अर ना आण-जाण आळेयो कहवै सै,

"यहोवा की आशीष थारै पै होवै।

हम थमनै यहोवा कै नाम तै आशीर्वाद देवां सां।"