दया खात्तर प्रार्थना
प्रधान बजाण आळे खात्तर: ताराआळे बाज्यां कै गैल। खर्ज की राग म्ह, दाऊद का भजन
1 हे यहोवा, तू मन्नै अपणे छो म्ह ना डाँट,
अर ना झुंझलाहट म्ह मन्नै ताड़ना दे।
2 हे यहोवा, मेरे पै दया कर, क्यूँके मै कुम्हला ग्या सूं;
हे यहोवा, मन्नै चंगा कर, क्यूँके मेरी हाड्डियाँ म्ह बेचैनी सै।
3 मेरा जी घणा दुखी सै।
अर तू हे यहोवा, कद तक?
4 लौट आ, हे यहोवा, अर मेरी जान बचा,
अपणी करुणा कै मुताबिक मेरा उद्धार कर।
5 क्यूँके मरै पाच्छै तन्नै कोए याद न्ही करदा,
अधोलोक6:5 वो जगहां जड़ै मरे होए माणसां की आत्मा न्याय करण तै पैहले रहवै सै। म्ह कौण तेरा धन्यवाद करैगा?
6 मै कहरान्दे-कहरान्दे थक ग्या;
मै अपणी खाट आँसुआँ म्ह भेऊँ सूं;
रोज रात नै मेरा बिछाणा भिझै सै।
7 मेरी आँख शोक तै बैठ्ठी जावै सै,
अर मेरे सब सताण आळयां कै कारण वे धुँधळागी सै।
8 हे सब अनर्थकारियों मेरै धोरै तै दूर हो जाओ;
क्यूँके यहोवा नै मेरा रोणा सुण लिया सै।
9 यहोवा नै मेरा गिड़गिड़ाणा सुण्या सै;
यहोवा मेरी प्रार्थना नै भी सुणैगा।
10 मेरे सारे दुश्मन शर्मिन्दा होवैगें अर घणे घबरावैंगे;
वे हार कै चले जावैंगे, अर चाणचक शर्मिन्दा होवैगें।