1 हे परमेसवर मेरे ताहीं छुड़ाण खात्तर, हे यहोवा मेरी मदद करण खात्तर फुर्ती कर।

2 जो मेरी जान के दुश्मन सै,

वे शर्मसार अर अपमानित हो जावै!

जो मेरे नुकसान तै खुश होवै सै,

वे पाच्छै हटाए अर निरादर करे जावै।

3 जो कहवै सै, "आहा, आहा!"

वे अपणी शर्म के मारे उलटे बोहड़ जावै।

4 जितने तन्‍नै ढूँढ़ै सै, वे सब तेरे कारण खुश अर मगन हों!

अर जो तेरा उद्धार चाहवै सै, वे लगातार कहन्दे रहवै, "परमेसवर की बड़ाई हो!"

5 मै तो दीन अर दरिद्र सूं;

हे परमेसवर मेरे खात्तर तगाजा कर!

तू मेरा मददगार अर छुड़ाण आळा सै;

हे यहोवा देर ना करै!