1 इस्राएल न्यू कहवै,

के जै यहोवा म्हारी ओड़ ना होन्दा,

2 जै यहोवा उस बखत म्हारी ओड़ ना होन्दा

जिब दुश्मनां नै म्हारै पै चढ़ाई करी,

3 वे तो हमनै उस्से बखत निगळ जान्दे,

जिब उनका छो म्हारे पै भड़क्या था,

4 हम उस्से बखत पाणी म्ह डूब जान्दे

अर धार मै बह जान्दे

5 उमड़ते पाणी म्ह हम उसे बखत बह जान्दे।

6 धन्य सै यहोवा,

जिसनै म्हारे ताहीं उनके दान्दां तळै जाण न्ही दिया!

7 म्हारा जी पंछी की तरियां चिड़ीमार के जाळ तै छूट ग्या;

जाळ पाट ग्या, हम बच लिकड़े।

8 यहोवा जो अकास अर धरती का बणाण आळा सै,

म्हारी मदद उसे कै नाम तै होवै सै।