1 यहोवा मेरा पाळी सै,

मन्‍नै किमे घटी ना होवैगी।

2 वो मन्‍नै हरी-हरी चराईयाँ म्ह बिठावै सै;

वो मन्‍नै सुखदाई पाणी के झरण्यां कै धोरै ले चाल्‍लै सै;

3 वो मेरे जी म्ह जी ले आवै सै।

धर्म की राह म्ह वो अपणे नाम कै खात्तर

मेरी अगुवाई करै सै।

4 चाहे म्ह घोर अन्धकार तै भरी होई तराई म्ह होकै चाल्‍लूँ,

तोभी नुकसान तै न्ही डरुँगा,

क्यूँके तू मेरै गैल रहवै सै;

तेरी छड़ी अर लाठ्ठी तै मन्‍नै शान्ति मिलै सै।

5 तू मेरे सताण आळयां कै स्याम्ही मेरे खात्तर मेज बिछावै सै;

तू मेरे सिर पै तेल तै अभिषेक करै सै,

मेरा कटोरा उमड़ण लाग रह्या सै*।

6 पक्‍का भलाई अर करुणा जीवन भर मेरे

गैल-गैल बणी रहवैगी;

अर मै यहोवा के धाम म्ह सदा वास करुँगा।