भजन संहिता 87

परमेसवर का नगर सिय्योन की स्तुति म्ह

कोरहवंशियों का भजन

1 उसकी नींव पवित्र पहाड़ां म्ह सै;

2 अर यहोवा सिय्योन के दरवाज्यां तै याकूब के सारे रहण आळयां तै बढ़कै प्यार राक्खै सै।

3 हे परमेसवर के नगर,

तेरे बारै म्ह महिमा की बात कही सै। (सेला)

4 मै अपणे जाण-पिछाण आळयां तै रहब*87:4 रहब यो मिस्र का एक काव्य नाम सै अर बाबेल की भी चर्चा करुँगा;

पलिश्‍त, सोर अर कूश नै देक्खो,

"यो ओड़ै पैदा होया था।"

5 अर सिय्योन कै बारै म्ह यो कह्या जावैगा,

"इन म्ह तै हरेक का जन्म उस म्ह होया था,"

अर परमप्रधान आप्पे उसनै मजबूत राक्खैगा।

6 यहोवा जिब देश-देश के माणसां के नाम लिखकै गिण लेगा, फेर न्यू कहवैगा,

"यो ओड़ै पैदा होया था।" (सेला)

7 गाणिया अर नाच्‍चणीये दोन्‍नु कहवैगें,

"म्हारे सारे चोए तेरे म्ह पाए जावै सै।"