1 परमेसवर म्हारे पै अनुग्रह करै अर म्हारे ताहीं आशीष दे;

वो म्हारे पै अपणे मुख का प्रकाश चमकावै। (सेला)

2 जिसतै तेरी गति धरती पै,

अर तेरा करया होया उद्धार सारी जातियाँ म्ह जाण्या जावै।

3 हे परमेसवर, देश-देश के माणस तेरा धन्यवाद करै;

देश-देश के सारे माणस तेरा धन्यवाद करै।

4 राज्य-राज्य के माणस खुशी मनावै,

अर जयजयकार करै,

क्यूँके तू देश-देश के माणसां का न्याय धर्म तै करैगा,

अर धरती के राज्य-राज्य के माणसां की अगुवाई करैगा।

5 हे परमेसवर, देश-देश के माणस तेरा धन्यवाद करै;

देश-देश के सारे माणस तेरा धन्यवाद करै।

6 धरती नै अपणी उपज दी सै,

परमेसवर जो म्हारा परमेसवर सै, उसनै म्हारे ताहीं आशीष दी सै।

7 परमेसवर म्हारे ताहीं आशीष देवैगा;

अर धरती के दूर-दूर देशां के सारे माणस उसका भय मान्‍नैगें।