1 मै यहोवा म्ह शरण लेऊँ सूं,

तू किस तरियां तै मेरे प्राण नै कह सकै सै

"पंछी की तरियां अपणे पहाड़ पै उड़ जा";

2 क्यूँके देक्खो, दुष्ट अपणा धनुष चढ़ावै सै,

अर अपणे तीर धनुष की डोरी पै चढ़ावै सै,

के सीध्धे मन आळयां पै अन्धेरै म्ह तीर चलावै।

3 जै नींव ढ़ा दी जावै

तो धर्मी के कर सकै सै?

4 यहोवा अपणे पवित्र भवन म्ह सै;

यहोवा का सिंहासन सुर्ग म्ह सै;

उसकी आँख माणस की औलाद नै सदा देखदी रहवै सै

अर उसकी पलक उननै परखै सै।

5 यहोवा धर्मी अर दुष्ट नै परखै सै,

पर जो उपद्रव तै लगाव राक्खै सै

उनतै वो घृणा करै सै।

6 वो दुष्टां पै आग अर गन्धक बरसावैगा;

अर तेज लू उनके कटोरे म्ह बाट दी जावैगी।

7 क्यूँके यहोवा धर्मी सै,

वो धार्मिकता के काम्मां तै राज्जी रहवै सै;

धर्मी माणस उसका दर्शन पावैंगें।