1 परमेसवर दिव्य सभा म्ह खड्या सै:

वो ईश्‍वरां* के बीच म्ह न्याय करै सै।

2 "थम लोग कद तक टेढ़ा न्याय करदे

अर दुष्टां का पक्ष लेन्दे रहोगे? (सेला)

3 कंगाल अर अनाथ्थां का न्याय चुकाओ,

दीन-दरिद्र की धर्म तै हिफाजत करो।

4 कंगाल अर गरीब नै बचा ल्यो;

दुष्टां के हाथ तै उननै छुड़ाओ।

5 वे ना तो किमे समझदे अर ना किमे जाणै सै,

पर अन्धेरै म्ह चाल्दे-फिरदे रहवै सै;

धरती की पूरी नींव हाल जावै सै।

6 मन्‍नै कह्या था के थम ईश्‍वर सों,

अर सबके सब परमप्रधान के बेट्टे हो;

7 फेर भी थम लोगां की तरियां मरोगे,

अर किसे प्रधान की तरियां गिर जाओगे।"

8 हे परमेसवर उठ, धरती का न्याय कर;

क्यूँके तू ए सारी जात्तां नै अपणे हक म्ह लेवैगा!