भजन संहिता 131

परमेसवर म्ह बच्‍चे की तरियां भरोस्सा

दाऊद की यात्रा का गीत

1 हे यहोवा, ना तो मेरा मन मान-बड़ाई तै

अर ना मेरी नजर घमण्ड तै भरी सै;

अर जो बात बड़ी अर मेरै खात्तर घणी मुश्किल सै,

उनतै मै काम न्ही राखदा।

2 पक्‍का मन्‍नै अपणे मन ताहीं शान्त अर चुप कर दिया सै,

जिस तरियां दूध छुड़ाया होया बच्‍चा अपणी माँ की गोद्दी म्ह रहवै सै,

उसे तरियां दूध छुड़ाये होये बाळक की ढाळ मेरा मन भी रहवै सै।

3 हे इस्राएल, इब तै लेकै सदा-सदा तक यहोवा ए पै आस लगाऐ रह।