बचाव खात्तर प्रार्थना
प्रधान बजाण आळे खात्तर दाऊद का भजन
1 हे यहोवा, मन्नै बुरे माणसां तै बचाले;
उपद्रवी माणसां तै मेरी हिफाजत कर,
2 क्यूँके उननै मन म्ह बुरी कल्पनां करी सै;
वे लगातार लड़ाई करै सै।
3 उनका बोळणा साँप का काटण सा सै,
उनकै मुँह म्ह नाग बरगा जहर रहवै सै।
4 हे यहोवा मन्नै दुष्ट माणसां कै हाथ तै बचाले;
उपद्रवी माणसां तै मेरी सम्भाळ कर,
क्यूँके उननै मेरे पैर उखाड़ण की योजना बणाई सै।
5 घमण्डियाँ नै मेरी खात्तर जाळ अर सिकन्जे लगाऐ,
अर राह कै किनारे जाळ बिछाया सै;
उननै मेरी खात्तर जाळ लगा राक्खे सै। (सेला)
6 हे यहोवा, मन्नै तेरे तै कह्या सै के तू मेरा परमेसवर सै;
हे यहोवा, मेरे गिड़गड़ाणे की ओड़ कान लगा!
7 हे यहोवा प्रभु, हे मेरे सामर्थी उद्धार करण आळे,
तन्नै युद्ध कै बखत मेरे ताहीं सम्भाळया सै।
8 हे यहोवा दुष्ट माणसां की मर्जी नै पूरा ना होण दे,
उनकी बुरी योजना नै कामयाब ना कर, न्ही तो वो घमण्ड करैगा। (सेला)
9 मेरे ताहीं घेरे खड़े सै वे जीत्तण न्ही पावै, उनकी धमकी उनपै ए पड़ै!140:9 मेरे ताहीं घेरे खड़े सै वे जीत्तण न्ही पावै, उनकी धमकी उनपै ए पड़ै! मेरे ताहीं घेरण आळयां कै सिर पै उननै का सोच्या होया उत्पात आ पड़ै!
10 उनपै अंगारे गेरे जावै।
वे आग म्ह गेर दिए जावै।
अर इसे खड्डे म्ह गिरै, के वे फेर ना उठ सकै!
11 बकवादी धरती पै मजबूत ना होवैगा;
उपद्रवी माणसां नै गिराण खात्तर बुराई उसका पिच्छा करैगी।
12 हे यहोवा, मन्नै तो पक्का यकिन सै के तू दीन माणस का
अर दरिद्रां का न्याय करैगा।
13 बेसक धर्मी तेरे नाम का धन्यवाद करण पावैंगें;
सीध्धे माणस तेरे स्याम्ही रहवैगें।