न्याय खात्तर परमेसवर का धन्यवाद
प्रधान बजाण आळे खात्तर: अलतशहेत राग म्ह आसाप का भजन। गीत।
1 हे परमेसवर हम तेरा धन्यवाद करां, हम तेरे नाम का धन्यवाद करां सां;
क्यूँके तेरा नाम जाहिर होया सै, तेरे अदभुत काम्मां का जिक्र होण लागरया सै।
2 जिब ठीक बखत आवैगा
जद मै आप्पे ठीक-ठीक न्याय करुँगा।
3 जिब धरती अपणे सारे रहण आळयां समेत डोलण लागरी सै,
फेर मै ए उसके खम्भां ताहीं मजबूत करुँ सूं। (सेला)
4 मन्नै घमण्डियाँ तै कह्या, "घमण्ड ना करो,"
अर दुष्टां तै, "सींग ऊँच्चा ना करो;
5 अपणा सींग ज्यादा ऊँच्चा मत करो,
ना सिर ठाकै ढिठपण की बात करो,"
6 क्यूँके बढ़ोतरी ना तो पूरब तै ना पश्चिम तै,
अर ना जंगळ की ओड़ तै आवै सै;
7 पर परमेसवर ए न्यायी सै,
वो एक नै घटावै अर दुसरे नै बढ़ावै सै।
8 यहोवा के हाथ म्ह एक कटोरा सै, जिसका दाखमधु झागआळा सै;
उस म्ह मसाला मिल्या सै, अर वो उस म्ह तै उण्डेलै सै,
पक्का उसकी तलछट तक धरती के सारे दुष्ट माणस पी जावैंगे।
9 पर मै तो सदा प्रचार करदा रहूँगा,
मै याकूब के परमेसवर का भजन गाऊँगा।
10 दुष्टां के सारे सींगां75:10 सींगां ताकत नै मै काट दियुँगा,
पर धर्मी के सींग75:10 सींग ताकत ऊँच्चे करे जावैंगे।