भजन संहिता 43

संकट के बखत प्रार्थना

1 हे परमेसवर, मेरा न्याय चुका

अर अधर्मी जात्ति तै मेरा मुकद्दमा लड़;

मेरे ताहीं धोक्खेबाज अर कटिले माणस तै बचा।

2 क्यूँके तू मेरा सामर्थी परमेसवर सै,

तन्‍नै मै क्यूँ छोड़ दिया?

मै दुश्मन के जुल्म के मारे शोक का

पैहरावा पैहरे होए क्यूँ फिरदा रहूँ?

3 अपणी ज्योति अर सच्‍चाई नै भेज;

वे मेरी अगुवाई करै,

वेए मेरे ताहीं तेरे पवित्र पर्वत

पै अर तेरे निवास-स्थान म्ह पोहचावै!

4 फेर मै परमेसवर की वेदी कै धोरै जाऊँगा,

उस परमेसवर कै धोरै जो मेरे अति

आनन्द का कुण्ड सै; अर हे परमेसवर,

हे मेरे परमेसवर, मै वीणा बजा-बजाकै तेरा धन्यवाद करुँगा।

5 हे मेरे जी तू क्यूँ गिरया जावै सै?

तू म्ह ए म्ह क्यूँ व्याकुल सै?

परमेसवर पै भरोस्सा राख, क्यूँके वो मेरे चेहरे की चमक

अर मेरा परमेसवर सै; मै फेर उसका धन्यवाद करुँगा।