भजन संहिता 130

करुणामय परमेसवर

यात्रा का गीत

1 हे यहोवा, मन्‍नै मुसीबतां म्ह ढुंघी जगहां म्ह तै तेरे ताहीं पुकारया सै।

2 हे प्रभु, मेरी सुण!

तेरे कान मेरे गिड़गिड़ाण की ओड़ ध्यान तै लाग्गे रहवै!

3 हे यहोवा, जै तू अधर्म के काम्मां का लेखा ले,

तो हे प्रभु कौण खड्या रह पावैगा?

4 पर तू माफ करण आळा सै?

जिसतै तेरा भय मान्या जावै।

5 मै यहोवा की बाट देक्खूँ सूं, मै जी तै उसकी बाट देक्खूँ सूं,

अर मेरी आस उसकै वचन पै सै;

6 रुखाळी करण आळे जितना सबेरै नै चाहवै सै, हाँ

रुखाळी करण आळे जितना सबेरै नै चाहवै सै,

उसतै भी घणा मै यहोवा नै अपणे जी तै चाहूँ सूं।

7 इस्राएल यहोवा पै आस लगाऐ रहवै!

क्यूँके यहोवा करुणा करण आळा

अर पूरा छुटकारा देण आळा सै।

8 इस्राएल नै उसके सारे अधर्म के काम्मां तै वोए छुड़ावैगा।