2 शमूएल 12:7,9,10,13,14

7 फेर नातान नै दाऊद तै कह्या, "तू ए वो माणस सै। इस्राएल का परमेसवर यहोवा यो कहवै सै, ‘मन्‍नै तेरा अभिषेक करकै तेरे ताहीं इस्राएल का राजा ठैहराया, अर मन्‍नै तेरे ताहीं शाऊल के हाथ तै बचाया; 9 तन्‍नै यहोवा का हुकम तुच्छ जाणकै क्यूँ वो काम करया, जो उसकी नजर म्ह बुरा सै? हित्ती ऊरिय्याह ताहीं तन्‍नै तलवार तै मरवा दिया, अर उसकी घरआळी नै अपणी बणा लिया सै, अर ऊरिय्याह ताहीं अम्मोनियाँ की तलवार तै मरवा दिया सै। 10 इस कारण इब तलवार तेरे घर तै कदे दूर न्ही होवैगी, क्यूँके तन्‍नै मेरे ताहीं तुच्छ जाणकै हित्ती ऊरिय्याह की घरआळी ताहीं अपणी घरआळी बणा लिया सै।’ 13 फेर दाऊद नै नातान तै कह्या, "मन्‍नै यहोवा कै खिलाफ पाप करया सै।" नातान नै दाऊद तै कह्या, "यहोवा नै तेरे पाप ताहीं दूर करया सै; तू मरै कोनी। 14 तोभी तन्‍नै जो इस काम कै जरिये यहोवा के दुश्मनां ताहीं तुच्छ मानण का बड़ा मौक्‍का दिया सै, इस कारण तेरा जो बेट्टा पैदा होया सै वो जरुर मरैगा।"