2 शमूएल 5

दाऊद का राज्याभिषेक

1 फेर उन दिनां म्ह इस्राएल के सारे गोत्र दाऊद कै धोरै हेब्रोन म्ह आकै कहण लाग्गे, "सुण, हम अर तू एक ए हाड़ माँस सां। 2 फेर पुराणे बखत म्ह जिब शाऊल म्हारा राजा था, फेर भी इस्राएल का अगुआ तू ए था; अर यहोवा नै तेरे तै कह्या, ‘मेरी प्रजा इस्राएल का पाळी, अर इस्राएल का प्रधान तू ए होवैगा।’"*5:2 भजन संहिता 78:71 3 आखर सारे इस्राएली अगुवे हेब्रोन म्ह राजा कै धोरै आए; अर दाऊद राजा नै उनकै गैल हेब्रोन म्ह यहोवा कै स्याम्ही करार करया, अर उननै इस्राएल का राजा होण खात्तर दाऊद का अभिषेक करया।