1 राज़े 18:36-39

36 ते ड्लवझ़री बलि च़ाढ़नेरे मौके एलिय्याह नेबे नेड़े गेइतां प्राथना की, "हे अब्राहम, इसहाक, ते इस्राएलेरे परमेशर यहोवा! अज़ एन बांदू केर कि इस्राएले मां तूए परमेशर आस, ते अवं तेरो दास आईं, ते मीं एन्ना सब कम्मां तीं करां वचन मैलतां कियोरन। 37 हे यहोवा! मेरी प्राथना शुन, कि एना लोक बुझ़न कि हे यहोवा, तूए परमेशरस, ते तूए तैन केरो मन अपने पासे आनतस।" 38 तैखन यहोवारी अग अम्बरेरां अई ते होमबलि ते कैड़ु ते घोड़ ते धूड़ी समेत भस्म केरतां छ़डू, ते ज़ैन पानी खैई मां थियूं तैन भी शुक्‍की जेवं। 39 एन हेरतां सारे लोक तुत्तरेरे भारे तल्‍ले मां झुकतां ज़ोने लगे, "यहोवाए परमेशरे, यहोवाए परमेशरे;"