प्रकाशित 19

1 ताकतबर स्वर्गदूतेरे ज़ोइतां झ़ाड़नेरां बाद, मीं सुर्गे मां बड़े लोकां केरि भीड़ उच्‍चे आवाज़ी मां इन ज़ोते शुनी,

"हल्‍लिलूय्याह*19:1 हल्‍लिलूय्याह: परमेशरेरी बडीयाई भोए! मुक्ति, महिमा, शक्ति इश्शे परमेशरेरीए।

2 तैसेरी बडीयाई भोए किजोकि तैसेरे सारे फैसले सही ते ठीक आन।

तैने मुशूर वेश्यारो न्याय कियो तैसां दुनियारे लोक पाप केरनेरे लेई प्रभावित किये।

परमेशर तैस बदलो देलो किजोकि तैसारे ज़िरिये परमेशरेरे दास मारोरेन।"

3 फिरी दूइयोवं बार तैनेईं ज़ोवं,

"हल्‍लिलूय्याह! ते तैसेरे फुकोनेरो तू सदा च़लतो रालो।"