प्रेरित 8

18 ज़ैखन शमौने हेरू कि प्रेरितां केरे हथ रखने सेइं पवित्र आत्मा उतरतीए, त शमौने पेइंसे एन्हतां प्रेरितन कां पेश किये। 19 ते शमौन ज़ोने लगो, "मीं भी शक्ति देथ, कि अवं भी ज़ैस पुड़ हथ रेखी त तैस पुड़ पवित्र आत्मा उतरे।" 20 पतरसे तैस सेइं ज़ोवं, "तेरे पेइंसे तीं सेइं साथी गर्क भोन, किजोकि तू पेंइसन सेइं परमेशरेरू दान घिन्नू चातस। 21 एस सेवाई मां तेरो कोई भी हिस्सो नईं किजोकि तेरो मन परमेशरे कां साफ नईं। 22 तू अपनि इस बुरैई करां मन फिरा, ते प्रभु कां प्राथना केर, शैइद प्रभु तेरे इस बुरे खियाले माफ़ केरे। 23 मन फिरा अवं हेरताईं कि तू बड़े जलनी ते पापेरी गुलैमी मां आस।"

24 तैखन शमौने जुवाब दित्तो, "मेरे लेई प्रभु कां प्राथना केरा, कि ज़ैन किछ तुसेईं ज़ोवरूए, तैन मीं पुड़ न एज्जे।"