पवित्र तेम्बु
1 "फिरी मिलापे बाले तेम्बेरे लेई दश पड़दे बनावाने; एना बट्टोरे सनेरे, नीले, बैंगनी ते लाल रंगेरे कपड़े कढ़ाई केरतां करूबन सेइं साथी बनावेइयां।
7 "फिरी मिलापे बाले तेम्बु ढकनेरे लेई छ़ेल्ली केरि ज़ड़ां केरे 11 पड़दे बनावेइयां। 14 फिरी तेम्बेरे लेई लाल रंगे सेइं रंगोरी हुड़ां केरि खैड़ेरू अक छ़ूँ बनेइयां, ते तैस पुड़ समुन्दरेरे बछ़ड़ां केरे खेड़ि केरू भी अक छ़ूँ बनावेइयां।
15 "फिरी मिलापे बालो तेम्बु खड़ो केरनेरे लेई किकरेरी लेकड़रे तखते बनावेइयां।
पवित्र तेम्बेरो एन्त्रियों हिस्सो
31 "फिरी नीले, बैंगनी ते लाल रंगेरे ते सनेरे कपड़ेरो अक मझ़ाटेरो पड़दो बनावेइयां, तै कढ़ाईयरू कम कियोरे करूबन सेइं साथी बने। 33 ते मझ़ेटीं पड़दे कुण्डन हैठ टेंगतां तैसेरी आड़ी मां गवैहरो सन्दूखे भी नेड़े ऐनथ, ते तै मझ़ेटियों पड़दो तुश्शे लेई पवित्र ठारी मां पवित्र ठारी करां अलग कियोरो राए।