बसलेल ते ओहोलीआब
1 फिरी यहोवाए मूसे सेइं ज़ोवं, 2 "शुन, अवं ऊरी नंव्वेरे मैन्हेरू मट्ठू बसलेले, ज़ैन हूरेरू पोट्लड़ूए ते यहूदारे गोट्ले मरांए, नवं घिन्तां कुजाताईं। 3 ते अवं तैस परमेशरेरी आत्मा सेइं ज़ै अक्ल, समझ़, ज्ञान, ते सब किसमां केरे कम्मां केरि समझ़ देनेबाली आत्माए तैस सेइं भरपूर केरताईं, 4 ज़ैस सेइं तै कारिगेरेरां कम्मां अक्ली सेइं केढी-केढी हर किसमेरी बनावटी मां मतलब सोन्नू, चाँदी, ते पितली मां, 5 ते पलैटनेरे लेई मणि कटने मां, ते लेकड़ी पुड़ नक्काशी केरनेरू कम केरे। 6 ते शुन, अवं दानेरे गोट्ले बाले अहीसामाकेरे मट्ठे ओहोलीआबे तैसेरे सुपुर्द केरि देताईं, नईं त ज़ेत्रे अक्लमन्दन तैन सेब्भी केरे दिले मां अवं अक्ल देताईं, ज़ैस ज़ेत्री चीज़ां केरो हुक्म मीं तीं ज़ो दित्तोरोए तैन सेब्भन तैना बनान;