Neemias 2

11 ज़ैखन अवं यरूशलेम नगरे मां पुज़्ज़ो, ते तैड़ी अवं ट्लाई दिहाड़े राव। 12 तैखन अवं किछ मैन्हु साथी नेइतां राती उठतां तियार भोव। मीं कोन्ची सेइं न ज़ोवं कि मेरे परमेशरे यरूशलेमेरे बारे मां मेरे मने मां कुन छ़डोरूए। ज़ैस जानबरे पुड़ अवं सुवारी केरतो थियो तैसेरे अलावा होरो कोई जानबर मीं सेइं साथी न थियो। 13 अवं राती वैदरे फाटके मांमेइं निस्तां अजगर पैनेरे नागेरे पासे, ते कूड़ा फाटकेरे पासे जेव, ते यरूशलेम नगरेरी ट्लुटोरी शहरपनाह ते फुकोरे फाटक लाए। 14 तैखन अवं अग्रोवं गेइतां नागेरे फाटके ते राज़ेरे कुण्डे कां जेव। पन मेरे सुवेरारे जानबरे अग्रोवं गाने जेई बत न थी। 15 तैखन अवं रातो-रात किद्रोन नाले मांमेइं निस्तां शहरपनाह हेरतो-हेरतो उबरो च़लो जेव। ते घुमतां वैदरे फाटकेरे अन्तर जेव, ते एन्च़रे सेइं वापस अव। 16 ते नगरेरे हाकिम न थिये ज़ानते कि अवं कोरहां जेवरो थियो ते कुन केरतो थियो। ते तांतगर मीं न बाकी यहूदन सेइं किछ ज़ोवरू थियूं ते न कोन्ची याजके ते न कोन्ची रईसे ते न कोन्ची हाकिमे ते न कोन्ची होरी कम केरनेबाले सेइं ज़ोवरू थियूं।