8 एरी कौन्शी करां दूरे रा,

ते तैसेरे घरेरे सामने भी नईं गानू;

9 कोन्च एरू न भोए कि तू ताकत

होरि केरे हथ्थे, ते अपनि बाकी ज़िन्दगी बेरहमहेरे कैबू मां केरि देस;

10 या बखले तेरी कमाई सेइं अपनु पेट भरन,

ते अनज़ान मैन्हु तेरे मेहनतरो फल अपने घरे मां रखन;

11 ते तू अपने आखरी वक्ते मां ज़ैखन तेरे जिसमेरी ताकत खतम भोइ गाए तैखन कर लास,

12 तू इन ज़ोलो, "मीं शिक्षा सेइं केरो बैर कियो,

ते डांटने बाले घटिया समझ़े!

13 मीं अपने गुरू केरि गल्‍लां न मेन्नी

ते अपने शिखालने बालां केरे पासे ध्यान नईं लेवरू।

14 अवं सभा ते मेण्डलरे मझ़ाटे मां

हर बुरैई मां शामल राव।"