रोमियो 6

4 ज़ैखन असेईं बपतिस्मो नीयोरो थियो तैखन अस मसीह सेइं साथी मरे ते दब्बे जे, ताके अस भी नव्वीं ज़िन्दगी ज़ींम, ज़ेन्च़रे मसीह बाजी परमेशरेरी महिमा सेइं मुड़दन मरां ज़ींतो कियो।

5 किजोकि अगर अस बपतिस्मेरे ज़िरिये मसीहेरी मौती मां शामल भोवरेम, त अस भी पक्‍के तैसेरे ज़ेरे ज़ींते भोमेले। 6 अस ज़ानतम कि इश्शी पुरानी इन्सानयत यीशु मसीह सेइं साथी क्रूसे पुड़ च़ाढ़ोरीए, ताके पापेरो जिसम बेफैइदो भोए, ते अस अग्रोवं जो पापेरे गुलैमी मां न रहम। 7 ज़ैखन मैन्हु मरते त तैखन तै पापेरी शेक्ति करां आज़ाद भोते।