35 Ashãtsi, nu arucats nclo curaiul a vostru, cai ari unã arãsplatã mari. 36 Cã voi avets ananghi trã arãvdari, cu nãeti tsi, dupã cum s-avets faptã vrearea al Dumnidzãu, s-loats tãxirea. 37 Cã:

"Ninga putsãn, multu putsãn,

sh-atsel tsi prindi s-yin,

va yin sh-nu va amãn.✝

38 Sh-ndreptul a meu dit pistea va bãneadzã,

sh-ma si s-trag nãpoi,

suflitlu a meu nu va aibã arsiri pri nãsu."✝

39 Ma noi nu him di atselji tsi s-trag nãpoi trã chireari, ma di atselji cai au pisti sh-suntu la ascãpats.