Marcos 3

22 Iarã scriblji tsi avea dipunatã dit Ierusalem, dzãtsea: "Elu ari Belzebul sh-lji aĝuneashti dratslji cu printsul a dratsilor." 23 Ma elu li-acljimã aproapi di nãsu shi lã grãi cu parabolã: "Cum poati Satanlu s-aĝuneascã Satanlu? 24 Macã unã amirãrilji di nãuntru easti mpãrtsãtã, atsea amirãrilji nu poati s-bãneadzã. 25 Macã unã casã di nãuntru sã-mpartã, atsea casã nu poati s-bãneadzã. 26 Ashã, macã Satanlu si-scoalã contra a lui idyiul, shi easti mpãrtsãt, nu poati s-tsãnã, ma s-bitiseashti icã cheari. 27 Vãrã nu-poati s-intrã tu casa a unui om vãrtos shi s-lji-u arãcheascã avearea a lui, ni lãgatã ma nãinti omlu atsel vãrtoslu, atumtsea poati s-lji-u afurã casa. 28 Dealihea ma vã dzãc cã a oaminjlor va s-lã hibã ljirtati itsi amãrtii shi cathi blãstem tsi va s-dzãcã. 29 Ma ti atsel tsi va blastimã cãtrã Duhlui Sãmtu nu va aibã ljirtari di totãna. Elu easti amãrtios ti eta tutã." 30 Isusul li dzãsi aesti cã elji dzãtsea: "Elu ari un duh nicurat!"