Miquéias 7

1 Malè a mwen menm!

Anverite, mwen tankou moun

k ap ranmase fwi gran sezon,

k ap rasanble retay rezen yo lè yo fin retire diven.

Pa gen grap rezen pou manje,

ni yon grenn ✝7:1 És 28:4premye fwi fig etranje pou m ta anvi goute.

2 Moun fidèl ✝7:2 És 57:1 fin disparèt sou latè a,

e nanpwen moun dwat pami lòm.

Yo tout kouche an anbiskad pou ✝7:2 És 59:7vèse san;

yo tout fè lachas dèyè frè yo ak pèlen.

3 Toude men yo sou sa ki mal la pou fè l ✝7:3 Pwov 4:16,17 byen.

Prens lan mande, e jij la prè pou yon ✝7:3 Am 5:12glise anba tab.

Yon nonm pwisan prezante tout mechanste

ke nanm li bezwen.

Konsa yo trese l pou fè l vin yon sèl.

4 Pi bon nan yo se pikan.

Pi dwat la pi mal pase kloti zepin.

Jou gadyen ou,

jou ✝7:4 És 10:3vizitasyon ou an fin rive.

Koulye a y ap ✝7:4 És 22:5 boulvèse, egare nèt.

5 Pa ✝7:5 Jr 9:4fè konfyans ak yon vwazen.

Pa fè konfyans ak yon zanmi.

Ak fi la k ap kouche ak ou a,

gade pòt bouch ou!

6 Paske ✝7:6 Mat 10:21,25fis la derespekte papa a,

e fi a leve kont manman li,

bèlfi a kont bèlmè li;

lènmi a yon nonm se anndan lakay li.

7 Men pou mwen menm,

mwen va ✝7:7 Hab 2:1 gade vè SENYÈ a.

Mwen va ✝7:7 Sòm 130:5tann Bondye a sali mwen an.

Bondye mwen an va koute mwen.

8 ✝ 7:8 Pwov 24:17 Pa rejwi nou kont mwen menm, O lènmi mwen.

Malgre mwen tonbe, mwen va leve ankò.

Malgre mwen chita nan tenèb,

SENYÈ a va yon ✝7:8 És 9:2 limyè pou mwen.

9 Mwen va pote endiyasyon SENYÈ a,

akoz mwen te peche kont Li,

jiskaske li ✝7:9 Jr 50:34plede ka mwen an,

e egzekite jijman pou mwen.

Konsa, Li va mennen m sòti nan plen limyè,

e mwen va wè ladwati Li.

10 Answit, lènmi m va wè sa,

e gwo wont va kouvri fi la ki te di m:

"Kote SENYÈ Bondye ou a?"

Zye m va gade fi sa a.

Epi konsa, nan lè sa a, li va

vin foule anba pye tankou kras labou nan lari.✝7:10 És 51:23

11 Sa va yon jou pou ✝7:11 És 54:11bati miray ou yo.

Nan jou sa a, lizyè ou yo va vin grandi.

12 Sa va yon jou ke yo va ✝7:12 És 19:23-25vin kote ou

soti Assyrie ak vil Égypte yo;

soti Égypte menm pou rive Rivyè Euphrate la,

menm soti nan lanmè,

rive nan lanmè,

nan mòn rive nan mòn.

13 Malgre, latè va vin ✝7:13 Jr 25:11dezole

akoz sila k ap viv ladann yo,

akoz fwi a zak yo.

14 ✝ 7:14 Sòm 95:7 Mennen pèp Ou a ak kwòk beje Ou a,

bann mouton a eritaj Ou a,

ki rete pou kont yo, nan forè.

Kite yo manje nan mitan bon pa,

nan Basan ak Galaad, ✝7:14 Am 9:11 tankou nan ansyen tan an.

15 "Tankou nan jou lè ou te sòti nan peyi Égypte la,

Mwen va montre ou ✝7:15 Egz 3:20 Mirak."

16 Nasyon yo ✝7:16 És 26:11 va wè,

e yo va wont de tout pwisans yo.

Yo va ✝7:16 Mi 3:7mete men yo sou bouch yo;

zòrèy yo va vin soud.

17 Yo va niche pousyè tankou sèpan.

Tankou bagay k ap ranpe sou latè,

yo va sòti ✝7:17 Sòm 18:45 tou ap tranble nan sitadèl souteren yo.

Yo va vin vè SENYÈ Bondye nou an, ak ✝7:17 És 25:3gwo lakrent;

konsa, yo va pè devan Ou.

18 Se kilès ki yon Bondye tankou Ou,

ki ✝7:18 Egz 34:7,9 padone inikite,

e ki bliye zak rebèl a retay pèp eritaj li?

Li pa ✝7:18 Sòm 103:8,9,13kenbe kòlè li pou tout tan an,

akoz Li pran plezi nan lanmou dous Li.

19 Li va gen konpasyon pou nou ankò.

✝ 7:19 Jr 50:20 Li va foule inikite nou yo anba pye L.

Wi, Ou va ✝7:19 És 38:17 jete tout peche yo nan fon lanmè.

20 Ou va bay ✝7:20 Jen 24:27verite a Jacob

ak mizerikòd a Abraham,

tankou Ou te sèmante a papa zansèt nou yo

depi nan jou ansyen yo.