Ishaya 53

3 Mutane suka rena shi suka ƙi shi,

mutum ne cike da baƙin ciki, ya kuma saba da wahala.

Kamar wanda mutane suna ɓuya fuskokinsu daga gare shi

aka rena shi aka yi banza da shi.

4 Tabbatacce ya ɗauki cututtukanmu

ya kuma daure da baƙin cikinmu

duk da haka muka ɗauka Allah ya hukunta shi ne,

ya buge shi ya kuma sa ya sha azaba.

5 Amma aka yi masa rauni saboda laifofinmu,

aka ƙuje shi saboda kurakuranmu;

hukuncin da ya kawo mana salama ya kasance a kansa,

kuma ta wurin mikinsa ya sa muka warke.