1 Biyi hu dza won bibi riwa me hu dza Kristo.

2 Me gbre yi ritu riwa bi taka kya riwa me tsro yi, bi ri ri ngɨzhi tsro riwa me tsro yi.

3 Ama me wa ri no yi to ri rinkon ko ngan he Kristo, rinkon waa he ron wan, nga Izhi he rinko ritu Kristo. 4 Inde nji ri tre tre Izhi ri tsro ritu, ka njo ka tsro ritu ran ri gbre Izhi wan, a no Kristo shan nye mba. 5 Ama Iwa riwa ari bre Izhi ri tu kuklu a no ron wan shan, a ran he nkan ri waa riwa a vu mgbolo ran. 6 inde iwa ran ka ngwan ri tsro ritu ran, ka kron tu wan; ama inde ari he shan riwu riwa ari kron tu, no ka tu wan ri tsro. 7 No ronron no ran katu wan ri tsro ran, inde a he ka Izhi ri mkpen wan; ama iwa nye he mkpen ronron. 8 Wana ti ronron zhu ri kpa wa ran, ama wa ti wa zhu ri kpa ronron; 9 Ngwen Izhi ran ti nji ri gbuchi no zon waa ran, ama a ti waa iri no zon ronron 10 Ritu ngamba nye a bi no wa no he ri tsro ritu wan ritu wa ndu zhi,

11 Ndu ringamba rimi Bachi iwa ran son ritu wan ri ronron ran, ko ka ronron ri son ritu wan ri waa. 12 A he bibi riwa wa ngɨzhi waa zhu ri kpa ronron, bibi wan nye me, wa ngɨzhi ronron zhu ri kpa waa nga ko wa ringye wa zhu ri Izhi. 13 Biyi kyumbi no yi mɨlan ya, a bi no waa no bre Izhi ri tu hwoo? 14 Ri ngamba, inde ronron ka mfu tu wan chuwo ran ran kron ran, a he kya ri shan, 15 ama ritu iwa ka mfu tu wan chuwo a he kya riwa ari kpa bi, wati mfutu wan dzen ritu no ka-u tu. 16 Ama inde njo riwa a ran jannyu ritu tre katu ri ko izren ri tu kuklu, kita wa hu Izhi ki ran to bibi ti ri ti nkan ran.

17 Ritu doka nyi, me ran gbre yi bran ran ritu ikabru tu mbi ran he ritu ndindi ti ran, ama ritu meme ti. 18 Ri gbuchi, me wo ri rimi kabru mbi inyu mbi ran he riri ringambi ran ame me kpa nyɨme ri kya riwa wo-a ri a he njanji. 19 A he riwa no janyu no he rimi mbi ritu no wa ka don to wa kpunji tinkan. 20 Inde bi kabru tu ri bubu riri, a ran he ritu riwa bi taka ritu riri ri yawulu riwa Bachi ran, 21 Rimi ri ri mbi, ko ngan ri yo tu wan ri bubu ri wama nga ri iyon ri ti nga ri so ran ri hwa. 22 Bi ran he ri ko riwa bi ri bi ri so ran? Ka bi tsri wa hu Izhi bi ri no wa shan nga wawa wa ran he ri kya ran? Bi wa no wen me tre ri se? Me tre ri bi ti tsra onhon, ame me ran gbre yi ran!

23 Ikya riwa me no yi nyi me kpa ri Izhi nye a ban juju yɨwon, 24 ran ngiri ri Izhi, ran chu wa ran tre,<<Rinyi he kpa won, riwa a he ritu mbi, ran ti nganyi ritu bi ri ran taka won.>> 25 Nghambame kugon jujuyɨmo, ka ban vanŋon-a ran tre ri,<<Vaghon nyi he katre dzi nye riwa Izhi rimi yii won, ran ti nganyi riwa bi so, bi ri ran taka won.>> 26 Rinyi he ri inde bi ri bi ri ri so rimi vaghon nyi bi tre tre kuu Yeso nye mba hi chachu riwa ari ye.

27 Inde nji riwa a ri ko a so rimi vaghon nyi ri ti meme ti rimi sron wan, a tsri kpa Kristo ri yii wan yaa nye mba. 28 Ritu ngamba a bi no yi tsra ngambi to ko bi ri ri jujuyɨwo nyi nga bi ri so ri vaghon nyi. 29 Inji riwa a ri ra so rimi vaghon nyi riwa a ran mila sron wan ya ran a ban ya dzi ngawan ritu. 30 Ritu wan nye wari mbi wa ran sen kpa ran, wari wa lo nga wari wa kuu. 31 Inde ki tsra nganbu ri, wa ran no njo yaa ran. 32 Ama inde Bachi nye ri no ta yaa, ari ti ritu no ta ki ran he rimi wawa wa no wa yaa ri mgbumgblume nyi ran. 33 Imiri vayi won wa hu Izhi, inde bi kabru riwa bi ri ri, bi ka gben ngambi. 34 Inde iyon ri ti njo rimi mbi, no ri kya hwishi ri ko ran ye ritu no Izhi no ran no yi yaa ritu tre mkpuzhu mbi riwa bi kabru tu ran.

Ritu mgbron kyawa, me la yi bibi riwa bi ti inde me bru ye.