1 Yo sron mbi ri nyɨme bran bran bi ri timbye ri de riwa Yuu Tsitsri, a zizan ide Yuu ri la tre riwa ari ye kussi. 2 Inji riwa ari tre rɨme ri nkon ari tre ri Izhi a ran ri tre ri wa nji ran ritu njo ran wo kya riwa ari tre ran. Ari tre kyawa riwa Izhi wawa wa ri-ri dzu riwo Yuu Tsitsri. 3 Ama nji riwa ari la tre Izhi riwa ari no nji si sron ran no wa gbengbren nga ran ŋoron wa. 4 Inji riwa ari tre rimi rɨme wari nkan ari zon ngawan nye, ama riwa ari la tre Izhi ari no wa hu Izhi gbengbren nye mba. 5 Inji riwa ari tre tre Izhi a han nji riwa ari tre rimi rɨme ri nkan nji riwa ari la tre riwa Izhi han nji riwa ari tre rɨme ri nkan tsede inde a tre ran la tuwa ritu no nji no wa wo wari fe senkpa.

6 Zizan imiri vayi, inde me ye meri ri layi tre riwa a he ri rɨme kan kan kan riwa Bachi no wen ri riwa me ngɨzhi ye no yi. 7 A he ngamba nga ngungu wa si ri vi riri wati see wari to bibi ran mba ti nkan inde wa ran mɨlan wa tsi ran? 8 Inde wana mɨlan wuru nkiwi ran ko ngan ri zhu ri wa ari hi ku? 9 Nghamba nye ari he ri yi tse bi mɨlan tre nzɨra-nzira ko wa ka wo, inde a ran he ngamba ran ari zhu ka wu tre ri nkankshi wen nye mba. 10 Irɨme kankan-kan wa he ri mgbumgblume nga wawu mba wawa wa tre wa to tu wan. 11 Ama me he ka itsren inde me ran ri wo kya riwa nji riwa ari tre-a ri tre ran, ngawen ri he tsren ri me. 12 Nghamba nye ari he ri yi inde bi timbiye riwa bi fe de Yuu Tsitsri bi ka ti bi ri de senkpa mbi riwa ari no wa hu Izhi gbengbren.

13 Inji riwa ari tre ri rɨme ri nkan, no bre Izhi no Izhi no Yuu riwa ari ran la kya riwa ari tre. 14 Ama inde me bre ri rɨme ri nkan, Iyu won nye ri ibreama isron won ran ri to kya riwa me tre ran. 15 Ko me tise, me ibrerimi Yuu won, meri tre ri sron won, me chu se ri Yuu won, meri chuse ri sron won. 16 Inde wu ngɨri ri Izhi ri Yuu nkankshe rimi sron wen, imgbron nji wa ti see wari nyɨme ibrewen wari dzon gbre Izhi tunde wa ran wo kya riwa wu tre ran? 17 Ri riwa wu ngiri ri Izhi bran bran, ama a ran dzon njo ri ran.

18 Me ngiri ri Izhi riwa me tre ri rɨme wari han yi. 19 Ama rimi kabru tu wa hu Izhi a bi han ri mon ri wa me tre wɨlo tre mgibreton riwa wa to-u riwa ari zon wa han riwa me tre wɨlo tre ngo wuru kuma wana to kya riwa me tre ran.

20 Miri vayi ran taka ka imiri wa tsitsa, tsede rimi meme ti, he ka imiri wawa wana to kyari ran, ama ki ri rimɨren bibi wa wa rinkon. 21 A he rimi ngan ri mi tsro bibi riwa Izhi tre:

<<Me tre ri wa nji won zhu ri nyun nji wa wa wa

tre rɨme kanka, nga zhu ri ntan nyu,

ri ngamba wana sren ton rɨme ran,

Bachi tre nganyi,>>

22 Bi to ri tre rimi rɨme wari nkan a he mesali ri wawa wana to Izhi ran, ama ila tre riwa ari ye kusi he ritu wawa wa hu Izhi nye. 23 Ritu ngamba inde wa hu Izhi wa kabru wari ri bre ri rɨme wari kankan-kan, tse wari wawa wa ran hu Izhi ran waye wo kya riwa bi ti, wa tre ri bi sra. 24 Ama inde nji ri la tre Izhi he rimi la tre riwa nji ri la tre riwa ari ye kusi, tse nji riwa a ran hu Izhi ran, ko nji riwa a ran to kya riwa wa ti ran ye gra, tse tre ko ngan bre, hari a wa ka meme ti chuwo. 25 Wa ngaran nchi sron wawa wa ran hu Izhi ran zhu ri ra, ngamba nye wari la ri wawu kɨbu mgbazhu ran tre ri,<<Izhi he ri yi njanji,>>

26 Imiri vayi me wa meri layi, inde bi kabru riwa bi bre Izhi, iri he ri de riwa chuse, iri he ri de riwa tsro, iri he ri de riwa raa, iri he ri de ri tre ri rɨme nkankan-nkan, nga ri he ri de ri la tu tre ri rɨme kan-kan-a wanyi wawu ri he ritu no zon wa hu Izhi no wa gbron rimi Yuu Tsitsri. 27 Inde wanjo wa tre ri rɨme ri nkan, no wa ran han hari ko itra ran, no wa hu yiyiri, nga no njo ri nkan no la kya riwa wa tre-a. 28 Ama inde njo ran he riwa ari la tre-a rimi tra bre Izhi ran, ko ngan ka son ri mgbamgbi ran ran bre Izhi rimi sron wan nga Izhi wan. 29 No wa la tre Izhi hari ka tre no wa la tre riwa Izhi, no wari no wa ki wari mɨlan ya kya riwa wa tre. 30 Inde nji ri he rimi tre tse iraa ye ri nji ri, tse nji riwa ari tre-a no son mgbamgbi wari wo kya riwa nji riwa a raa tre Izhi-a no la kya riwa a ra-a ri. 31 Wawu mbi bi to la tre riwa ari ye kusi riwa ko ngan ri fe tsro nga gbengbren rimi wan. 32 Wawa wa la tre riwa a zhu ri Izhi ye riwa wa Yuu mba nye ri dzon wa, nga wa ka ki gben ngamba. 33 Izhi mbu ran he Izhi riwa ari gyuru nji ran ama a he Izhi riwa ari ngɨzhi son ri si sron ye.

Nghamba nye a he rimi wa hu Izhi ri Tsitsri, 34 No mba no wa ki mgbi rimi kabrutu wa hu Izhi ritu wa ran no wa no wa tre ran bibi riwa doka nji Yahuda kri, no wa ran he rinkon ran ama no wawa no wa de mkpen. 35 Inde wa he ri kya riwa wa wa wari wo no wa miyen wa ron mba ri ko, ritu a he kya ri shan nye no waa no tre rimi wa hu Izhi.

36 Ritu mbi nye tre Izhi gbuchi? Ka ri yi nye ari kre? 37 Inde njo ri to ka wawu he nji riwa ari la tre Izhi, no to ri ikya riwa me ngan ri no yi a he doka nye riwa a zhu ri Bachi. 38 Ama inde a ran srenton ri tre won ran wawu Izhi ngawen ri kawan ri wu.

39 Ritu ngamba miri vayi, ran timbiye riwa bi ran la tre Izhi riwa ari ye kusi, ran dzu wawa wa tre ri rɨme kan-kan-kan ran. 40 Ko ngye no he rimi milan ti nga ri nkon riwa a bi.