1 Zizan, imiri vayi won wa hu Izhi, ritu tre riwa de Yuu ri Tsitsri, me ran wa no yi son ri bu ran. 2 Bi to ri vi riwa bi ran he wa hu Izhi rina, wa gyuru yi, bi ka gra hu zhi riwa a ran ri vri ran, 3 Me wa no yi to ri, ba njo riwa Iyu Izhi ri no tre ka tre ri,<<Yeso he nji riwa wa lanyu riwu,>>Nga njo ran to tre ri,<<Yeso he Bachi nye,>>Tsede nji riwa a he ri Yuu Tsitsri. 4 Zizan, ide wa he kankan-kan ama Iyu riri nye ri de wa. 5 Nkon ndu Izhi wa he kankankan riwa wa ti ndu ama Bachi riri nye wa ti riwu. 6 Inde wa he kankankan, ama Izhi riri nye ri de gbengbren ri ti wa wawu.

7 Izhi ri no ko ngan ito son riwa Yuu Tsitsri, ritu no dzon ko ngan. 8 Iri wa no de ri tsro ri wiwiri dzu riwo Yuu Tsitsri, iri wa no de ri tsro ri to dzu riwo wa Yuu-a, 9 nga iri wa no de ri yo-sron dzu ri wo wawu Yuu-a me, nga ri fe ide wan ri den nji kpa chuwo dzu ri wo Yuu-a me, 10 Iri fe de ri ti kyawa wa de sisiri, iri ide ri la tre riwa ari ye kusi, nga ri fe ri to Yuu tinkan, iri kuma ide riwa tre rɨme kankankan nga ri fe de ri laa tre riwa rɨme wari. 11 Wanyi wawu Iyu riri nye ri ti wa, ran ri ga wa ri ko ngan riwa a nyɨme-u.

12 Bibi riwa ikpa he riri, ran he ri gbɨre kigbu, riwa igibrekpaa wa kigbu, wa he kpaa riri nye ngamba nye he ri Kristo. 13 Ritu kita wawumbu wa son ta ri ima rimi Yuu riri hi ri kpaa riri, ko nji Yahuda nye, ko wawa wa ran he nji Yahuda ran, ko graan nye ko imiri wa no ta ki so rimi Yuu riri iwawu mbu.

14 Ikpaa ran he gbɨre riri ran, ama a he ri wa gbɨre kigbu. 15 Wari tre ri ikpɨreri tre ri,<<Ritu ame me ran he woo ran, ritu ngamba me ran he rimi gbrekpa ran.>>Rinyi ran no no ran he rimi gbɨrekpa ran. 16 Nghamba me, inde iton tre ri,<<Ame me ran he si ran, ritu ngamba me ran he gbrekpa ran,>>Rimba ran no no hon he gbɨrekpa ran. 17 Wari tre ri ikpaa wawu he sii nye, me ri wo tre ringye? Ikpa wawu ran he ton, me ri ran wo hwi ri ngye? 18 Ama Izhi ri kɨma ko gbɨre ritan ti ri kpa bibi riwa a waa no he. 19 Wari tre ri igbɨrekpa he riri, imgbron kpaa ran he ri minyi? 20 Igibrekpaa wa he kigbu, ama ikpa he riri nye

21 Isi no ran la woo ri,<<Ikya ran kata kabru imbu-u ran!>>Ko ka, no tu no la wa za ri,<<Ikya ri ran ka ta kabru iwayi ran!>> 22 Aran he ngamba ran, igibreiwa wa kpa wa tsiri, nga wa ri ri ya wa ka wa ran he kyari ran, wawa nye wa bi han ko ritan rimi mba, 23 Igbɨrekpa riwa ki yonga wa ran tsra ri mgbromba ran ki ye ki no wari mba mkpen han ri ngamba no wa mkpen han. Ri ngamba, wa gbɨre mbi wawa wana bi ya ran wa ya wa ri bi han mgbron mba, 24 Igbɨrewawa wa bi ya wana ri ti kya sro ngan riwa ran, ama Izhi milankpa ti riwa a mɨlan igibreriwa a ran he kyari ran-a no bi han wa. 25 Ritu no wa gbɨre no wa ran ga ngamba ti nkan ri kpa ran tsede no gbɨre no wa milan ngamba ngɨzhi, mɨlan ngɨzhi riwa a he riri. 26 Ritu ngamba inde igbɨreri fe lilo, wawu mba wa fe llo, inde wa gbɨre ri wa ti kinklan sron, tse wa ka ti kinklan sron iwawu mba. 27 Biyi bi he ka ikpa Kristo nye, ko ngan rimi mbi he gbɨre kpa wan nye. 28 Rimi wa nji wa hu Izhi, Izhi no wa ndu wan nga wawa wati kyawa ri de sisiri, tse wawa wa fe de ri den nji kpa chuwo, ri wawa wa dzon nji, ri wawa wa ya ndu wa hu Izhi, ri wawa wa tre ri rɨme gbu nji kankan-kan. 29 Wawuu nye wa he wa ndu Izhi? Wawuu nye wa he wa la tre Izhi? Wawuu nye wa he wawa wa tsro? Ka iwawuu nye wati kyawa wa de sisiri? 30 Wawuu nye wa he ri de ri den nji kpa chuwo? wawuu nye wa he ri de tre ri rɨme kankan-kan? Wawuu nye wa he ri de ri la tre nji wari riwa wa tre? 31 Ama ti mbiye de riwa a bran han, me tsro yi nkon riwa a bi han iwawu.