1 Zizan, de ki tre ritu ri riwa wati-u ri zhi riwa wana to-u ran, bi yonga ko ngan no nyime ri to mbi. Ito ri ya no ta ki kpo ngambu, a he nyɨme nyi riwa a no ta wa hu Izhi gbengbren. 2 Inji riwa a ri ya ka wawu to kyari, hari zizan a ran to kya riwa a he riwa ari to rina. 3 Ama nji riwa a nyɨme Izhi, Izhi to-u.

4 Ritu ri ri riwa wa ti ri zhi riwa wana to-u ran, ki to ri izhi riwa wana to-u ran he kya riwa a ran ri viri ran, ki to ri Izhi he riri. 5 Ko riwa wari wa wawa wa yo wa ri,<<wa zhi >>Ko ri shu ko ri meme, nga ko riwa wari wa riwa wa yo wa ri<<wa Bachi >>Nga<<Wa Bachi,>> 6 a zizan, Izhi riri riwa ki he riwu, A ti, riwa wawu nye he kyawa iwawu nga ritu wan nye ki he, nga Bachi riri nye riwa a he, Yeso Kristo, riwa ritu wan wa ti kyawa nga ritu wan nye ki he.

7 Ama a ran he ko ngan nye to kpunji nyi ran nji wari wa ka ngamba no zhi riwa wa ran to-u ye rimi vi nyi, inde wa ri bibi ri nyi, waka bru taka iri wawa wa ri ri riwa a he riwa zhi riwa wa ran to-u ran, isron mba ran no wa ran, a kpa wa zuu sron. 8 Ama ila ran ri ngɨzhi ta hi kusan Izhi ran, ki ran hon he ri kyari ran inde ki kambu ri ri-u, ko ka inde ki ri a ran sro kyari ngan rita ran.

9 Ama ti rereri son tu mbi ritu no miri vayi mbi wa hu Izhi wawa wana senkpa rimi kpanyɨme mba ran no wa joku ran. 10 Ritu inde wawa wato ri wuhe ri to wu riri ri tra zhi riwa wa ran to-u ran ashe rimba ran no wa gbengbren no wa ri ri riwa wa ti ri zhi riwa wa ran to-u ran? 11 Ri ngamba, ito wen riwa wu to ari no vayi wen riwa Kristo kuu ritu wan no joku kuu. 12 Inde wu ti meme ti ri wa hu Izhi ritu wu dzon wa no wa ti kya riwa a ran bi ran, wu ti meme ti ri Kristo nye mba. 13 Inde iri ri nye ri no vayi won ri hu Izhi no joku, me ran tan nɨma riwa ari no joku ran.