1 Riwa ame Bulus me ye ri yi, miri vayi, me ran tre wɨlo tre wa wɨloga ka tre riwa a he ri yaa ran, nga me ran tre ri yi ka me to han gbron nji ran riwa me tre tre Izhi ri yayibi ri yi. 2 Riwa me ka zi ri riwa me he ri yi me ran tre ritu kyari ran tsede tre Yeso Krsito riwa a kuu ritu konkron ran kpa nji chuwo. 3 Riwa me he ri yi ri Koranti, a kuu wen kpa a ran wiriwen kpa ritu sisiri. 4 Riwa me tre tre Izhi riyi me ran layi wiwiri won ran, nga me ran jan nyu ri wɨreyi ran tsede Iyu Tsitsri ri tsro yi ri nkon ri mgbemgibreri tre riwa me tre-a a he kpunji tre. 5 Riwa no yo sron mbi no he ritu wiwɨri nji ran tsede no he ritu gbengbren Izhi

6 Ama inde ki he ri wawa wa yikpa rimi tre Izhi, ki ka wa tre ri wiwɨri riwa Izhi ama a ran he wiwɨri ri nganyi a ran he ka riwa wa chu wa zizan ran, wa chu wamba wawa wa he ri kpanchi wawa wana he ri gbengbren ngaran. 7 Ama ki tretre wiwiri riwa Izhi riwa a ran he ri yayibi-a, ki la ritu ti Izhi riwa ari no ta mkpen riwa ki son ri si ko no Izhi no ti mgbumgblu me, a wa ran ti kyawa wanyi rita. 8 Ichu njo ran he ri mgbumgbrume nyi riwa a to ti Izhi ran, ritu wari tre wa to kya riwa Izhi a ran ti wari ran kpan Bachi riwa a he ri mkpen ritu konkron ran. 9 Ama, bibi riwa imbe Izhi la ta,

<<Isi ran to ran, nga ton ran wo zari ran,

ka injo ran taka zari riwa kyawa wawu riwa Izhi ti wa ri nji wawa wa nyɨme-u ran.>>

10 Ama zizan Izhi tsro ta kyawa wanyi zhu riwo Yuu ritu wawu Yuu nye ri ŋraanchi kyawa wawu, Kyawa wa Izhi wawa wa he ri yaa to. 11 Ngha nye rito mɨren riwa a he rimi sron nji ri, inde a ran he Yuu nji-a ran? Ngamba nye a he, injo ran he riwa ari to ren ne Izhi ran tsede Yuu Izhi kyuwan. 12 Ki ran kpa Yuu ri mgbumgbru mme ran ama ki kpa Yuu Tsitsri riwa Izhi riwa ki to kyawa wawu riwa Izhi no ta ritu dindi ti wan. 13 Rinyi nye he tre riwa ki la mgbron nji, a ran he tsro wɨlo tre riwa wa tsro ta ri wiwiri nji ran, ama iwɨlo tre riwa Iyu Tsitsri tsro ta ki la ri nji wa Tsitsri nji tre ri kpunji riwa Iyu la ta. 14 Inji riwa a ran he ri Yuu Tsitsri ran, a ran, wa ran wa ran wo ritu kya wa riwa Iyu Izhi ngaran yo ri ra ran, ritu kyawa wa-a wa kuklu riwu, nji riwa a ran hu Izhi ran a ran to kyawa wamba ran, ritu nji ri ya to ran kpanyime ri kyawa wanyi inde Iyu Tsitsri zon-u. 15 Inji wawa wa he ri Yuu Tsitsri wa to kongye. Ama nji wawa wa ran he ri Yuu ran wana to bla tre ri wawa wa ri Yuu ran. 16 Ritu a he ri ngan ri,<<Injo ri to kya riwa a he ri sron Izhi? Injo ri to sron Izhi?>> Ama ki he ri sron riwa Izhi.