Inyɨme
1 Inde wu to tre ri rɨme wari nkan ka ri rɨme miri ndu Izhi ama wu ran he ri nyɨme ran, wu he ka ishee riwa ki wo ran wan kuklu, a ran ri la kya ri ran. 2 Inde ki to la tre Izhi riwa ari ye kusi, ki ri to kyawa krekre ama inde ki ran he ri nyɨme mgbron nji ran, ari tsro ri me ran he kyari ran. 3 Wari tre ri me ka kyawa won wawu no wawa wana he ri kyari ran, ko ka meri ka kpa won no wa no wa gon, ama me ran he ri nyɨme ran, me ran fe kyari ran ari he kuklu. 4 Inji riwa a he ri nyɨme ari vu sron, iyɨme ran ti ngu ran, iyɨme ran kpongawan ran, inyɨme ran ri sentu ran. 5 Aran ri nzu tu ran, a ran ri nyime ngawan ran, a ran ri chichi ti fu ran, a ran ri suu tu ran, a ran ri ngɨzhi njo ri sron ran. 6 Inyɨme ran ri to ro meme ti ran ama ari to ro la kpunji tre. 7 Iyɨme ri de vu sron rimi kon ngye ri ikpa nyɨme rimi ko ngye, ari de yo sron ri ko ngye, nga vu dri rimi ko ngye.