1 Me kpo ngawon ko ri riwa a ran ri ti ndu kya ri mon ran, ama zizan me tre ritu kya ri kusi nga raa riwa Bachi a no wen. 2 Me to nji ri hu Izhi ri riwa luwa ise wan he wuru don nza nye-e, Izhi a ban wu hi ri shushuwulu ri tre bibi ti gbengbren wa Kristo ko a he rimi kpa nye, ka a ran rimi kpa ran, me ran to ran, Izhi nye nkankshiwan to. 3 Me to nji-a wa ban wu hi ri shu ri shushuwulu, ko a he rimi kpa nye, ko ka a ran he rimi kpa ran me ran to ran, Izhi nye nkankshiwan to, 4 wa ban wu hi ri shu bubu riwa Izhi ri son, ri mu nye a wo kyawa riwa wa ran to la-u ran, bibi riwa nji ran ri to tre ritu wan ran. 5 Me wuru wo gbobre ritu nji nye, ama me wuru wo gbobre ritu kya riwa a tsro kunyiren won. 6 Me ri wa meri wuru wo gbobre, me ran ri ti mkpran ran ritu me la kpunji nye. Ama me ran wuru wo gbobre ran, ritu me ran ri wa no njo no ban wen han bibi riwa ari to wen ran, ri bibi riwa a wo ri me to.

7 Ritu me ran wuru wo ri gbobre ritu raa wanyi riwa wa de mamaki ran, tse wa tru lilo ri riwa a he ka nchon rimo ri kpa. Rinyi he ka vren ndu nye riwa meme nji ti-u ndu no ye no wen yaa nga ran no wen me ran kpo ngawon ran. 8 Imkpa tra me bre Bachi no ban lilo-a zho ri mo. 9 Ama a tre ri mo ri,<<Dindi ti won a tsra ri wu, ritu kunyiren won wa to gbengbren won.>>Ritu ngamba ri ngɨri me wuru wo gbobre ri kunyiren won nyi ritu no gbengbren Kristo no son ri me. 10 Ritu ngamba, me to bibi kunyiren won, nga bibi yaa riwa wa no wen, ri so yaa, nga zhuzhu ritu Kristo. Riwa me ran he ri senkpa ran, ri vi wan nye me he ri senkpa.

11 Me ti ka me tinkpran, ama biyi bi yo wen. Biyi nye riwa bi ri gbre wen ko riwa me ran he kyari ran, <<Wa ndu Izhi mbi wa rinkon-a.>> Wa ran han wen ran. 12 Izhi a ti kyawa ri de sisiri, nga kyawa wa ndzu sron dzu ri me rimi mbi, me ri tindu wan rimi tsro ri me he nji ri ndu Izhi ri kpunji. 13 Ri nkon ri tan nye me tsro ri bi ran he ka wa nji wari wa hu Izhi ran? Ko ritu me dzu yi ri dzon ri nkren? Bi ka meme ti nyi rega ri mo!

14 Me wa meri ye ri yi ri mkpa ri tra zizan, me ran wa meri no yi yaa ran, ritu biyi nye me wa a ran nkren mbi ran. Aran bi riwa no miri no wa ban yaa wa ti mba ran tsede no wa ti no wa ban yaa wa miri mba. 15 Me ngɨri meri wuu wawu kya riwa me he riwa, nga ri tuwon ngawen, ritu me ri dzon yi ka me bru nyɨme yi, ko mba bi fon nyɨme riwa bi he wu ri mo rega nye mba? 16 Bi nyɨme ri me ran he yaa ri yi ran, ama iri ri tre ri me ti wiwiri ri yi nye, me gyuru yi ri che! 17 Me sen yi hu ri nji wari rimi wawa me ti wa ndu ye ri yi? 18 Me ibre Titus no hi ri yi, nga me ri ti vayi ri rimi wa hu Izhi riwu, bi tre ri Titus senyi nye mba? Ko ame nga wawu ki ran he ri rimɨren riri ran? Ngha a ran nkon riri nye ki hu ran?

19 To tunde bi yosron ri ki wa kiri kpan ngambu chuwo riyi nye Izhi nye he ito mbu, ki la kpunji rimi Kristo nga ko ngye riwa ki ti, biyi wawa me nyɨme yi ki ti ritu kiri dzon yi. 20 Ritu me ti sisiri riri riwa me ye me ran ya ye fe yi bibi riwa me wa ran, nga biyi bi ran fe wen bibi riwa me wa ran. Me ti sisiri me ka ngɨzhi wanyu ye. tisron, nga sutu, nga kpande time, nga kran, nga nzu tu nga ngɨzhi wanyu ye. 21 Me ti sisiri ritu ka me bru ye ri yi Izhi won ri no wen shan ri kusi mbi, me ti sisiri ritu me ran ti shnji sron ran ritu kpanji riwa wa ti meme ti ri sen wawa wa ran ka meme ti ri zren ntran nga gungu nga bibi ti riwa a ran he ri shan ran.