1 Rimi ndu mbu riwa Izhi, ki ibreyi biyi wawa bi fe dindi ti Izhi ran kau chuwo no he kuklu ran. 2 Wo kya riwa Izhi tre,

<<Ri vi ri dindi ti me sren to ri yi,

riwa ivi ri kpa chuwo a ye me dzon yi.>>

Ngye ga rinyi nye he vi riwa bi kpa dindi ti Izhi, luwa nye he vi ri kpa chuwo.

3 Ki ran he nkon kɨbu dza njo ran, ritu no wa ran fe nkon ri kra ndu mbu tu ran. 4 Riwa ari he ngamba, ikya riwa ki ti, ki ti-u ritu ki ri tsro ri kita ki he wa ndu Izhi nye ki ti nganyi rimi vu sron, ri so yaa, nga ri wanyu; 5 wa tsi ta, wari vu ta tren ri tra tren, wari dru ta kpa ti njon, kiri ran tindu riwa a dzan gbengbren mbu, ki ran kru na ran ri iyon mi bɨrengha; 6 Ri Tsitsri sron, nga ito riwa ki he ri wu, ri vu sron nga ti kya dindi, ki tsro ri kita ki he wa ndu Izhi ri Yu Tsitsri nga nyɨme mbu ri kpunji; 7 Ngha ndu mbu ri kpunji, nga gbengbren Izhi ki he ri dindi ti riwa wawu nye he ka ikpi ku riwa ki ngɨzhi kuwo ri nga kuwo ta. 8 Wa gbre ta nga wari no ta yaa, nga wari ri tre tre ri kpa nde mbu time wa kɨma ta ti wa ti che, ka hu ri ngamba ki ta ki la tre ri kpunji; 9 A he ka wa ran to ta zari ran, ama wa to ta kre. A he ka ki he ri nyu kuu, ama kita ki he ri sii, wa sondu no ta yaa ama wa ran wu ta ran; 10 rimi yaa, ki to fe kya riwa ari no ta kinklan sron, ka hu ri riwa ki ran he ri kyari ran, ama ki no kpanji wa he ri kyawa. A zhu ka kita ki ran he ri kyari ran, ama kongye he wa mbu.

11 Biyi nji Korentiya, ki ran ri ti kyari ri yi ri yayɨbi ran, ki tsro ri ki nyɨme yi bran. 12 Ai, a ran he kita nye ki kambu ri yi ran, biyi nye bi kambi ri bu sron mbi bi ri nyɨme ri ta ran. 13 Me tretre nyi riyi ka bibi riwa a ti ri tre ri miri wan, biyi nga wen tsro ri bi nyɨme ri ta ngawen wen tsro ri bi nyɨme ri ta ngawen.

14 Ran katu kabru ri wawa wana ri hu Izhi ran. Nji ri dindi ran to son si ri nji ri meme ti ran ko ka ngye ri ka kpan mba bu ka bru? 15 Kristo ran he kpan meme nji ran, ka wa hu Izhi wa kabru ri wawa wa ran ri hu Izhi ran. 16 Ngye ri ka tra bre Izhi kabru ri tra yɨbi? kita ki he tra bre Izhi. Bibi riwa Izhi tre,<<Me son iwawa, me ri zren rimi mba. Nga me he Izhi mba, nga wawa wa he wa nji won.>>

17 << Ritu ngamba bi ka zhu rimi wawa wa ran hu Izhi ran bi ri ga ngambi, Izhi tre ri, ran bre wo ri kya riwa a zuu ran, ri ngamba nye me nyɨme ri yi.>> 18 <<Me he A ti mbi, biyi bi he miri won ronron ri miri mba, Bachi riwa a he ri gbengbren wawu nye tre ngamba.>>