1 Zizan ki to iri ka wa zii tra mbu nyi riwa ki son rimi wan, wa tre ritu kpa mbu ri mgbumgblu me nyi Izhi ri tuwan a mme ko rita ri shu mu. Iko nyi a ran he nji nye mme ran, ari he ngamba a ran kre ran. 2 Zizan mba, ki ka sron mbu ri dzi, ki ti nye bran itu ki kiri fe kpa nyi riwa wa ka dzi rita ri shu, 3 inde Izhi vu su ri ta ki ran ki ri mgbireran. 4 Ritu ki kii rimi kpa nyi ri mgbumgblume nyi, ki ran kpachu ritu yaa riwa ki so, ki ran wa ki ri ka kpa mbu ri mgbumgblume nyi chuwo ran, ama ki wa ki ri suu riwa a he ri shu, ritu a he riwa a ran kre ran a sran kya ri kuu iwawu. 5 Izhi kyuwan nye sran ta kpa nyi, nga ran no ta Yuu wan ritu ran no ta ki to kya riwa ari ti ri ta kusi. 6 Ritu wan nye ki vu sron bla vi, nga inde ki he ri kpa nyi ri mgbumgblume, to ki he kpa ri ko mbu riwa a he ri Bachi. 7 Nghamba ki dzren ri kpanyɨme nye, a ran ri kya riwa ki to ri si ran. 8 Ki he ri vu sron, nga ki wa kiri ka kpa nyi chuwo kiri son ri Bachi ri shu. 9 Ki yo sron ri, ki wa ki ri no si sron ko ki he ri shu? ko ka ki he ri mgbumgblu mme. 10 Ritu dole wawu mbu ki kii ri kusi Kristo ritu no bla tre rita nga ko ngaa ri kpa kya bibi ri ndu riwa a ti ri mgbumgblume nyi, ko dindi ko meme wan.

11 Riwa ki to kya riwa wa tre ritu wan ka wa tre ritu sisiri Bachi, ritu wan nye ki wa ki ngɨzhi wa ri ye ri Izhi no to bibi riwa ki he, nga me to ri bi to ri nyi rimi sron mbi. 12 Ki ran wa kiri gbre ngambu ri kusi mbi ran, tsede ki wa ki ti kya dindi ri wa ki sii yi sron, ritu bi to nyɨme tre ri wawa wa kpo ngamba ritu kpanchi mba ritu ti mba. 13 Ki ran ri sra bibi riwa wa ri wa tre ran, ki ti ritu gbre Izhi idan ki ran ri sra ran, ri nyi he ritu mbi nye. 14 Ko ngye ki ti, ki ran ri ti-u ritu ki ri fe kya ritu wan ran, ama ritu nyɨme Kristo riwa ari tsro ta riwa ki kpanyɨme ri Kristo kuu ritu nji wawu ritu ngamba ari he ka wawu mbu ki kuu ri wu. 15 Wawu kuu ritu wawa wa he ri sii, no wa ran son bibi son riwa wa son ri kusi ran, tsede no son ritu a kuu ritu mba, nga wa ta shɨme ritu mba.

16 Ritu ngamba ban kusi ki ran bru rimɨren ritu to nji ngaran ritu ko riwa ki rimɨren ritu Kristo ri bibi to riwa nji, zizan wa ran bru taka wan ngaran. 17 Ritu ngamba, ka nji he rimi Kristo a he nji sisa nye mba, kyawa wa kɨmo wa vu yɨba, nga ko ngye he sisa! 18 Wawu kya wanyi wa he wa Izhi nye, riwa a ka dzi ri tsutsu mbu iwawa Kristo, nga ran no ta ndu ri milan son iwawa nji nga Izhi: 19 Ndu mbu wawu nye riwa Izhi ri milan son nji nga wawa he ri Kristo, a ran ri bla meme ti mba ritu mba ran, Izhi no ta ndu ri bla tre wanji wawu. 20 Ritu ngamba kita ki he sii riwa Kristo, ka wawu Izhi ritu wan ri tre dzu ri ta rimi nde Kristo, ki ibreyi no yi milan son mbi ti ri Izhi bi ri he kpan wan, a ran wawa wa he kpan fu wan ran. 21 Kristo ran ti meme ti zari to ran, ama ritu mbu Izhi kɨma Yeso he ka nji ri ti meme ti: Ritu ngamba nye, rimi kabrutu mbu ri Kristo, ki to fe dindi ti Izhi.