1 Jiso bìʼ ŋíi mu njaagháaNyii, wobɛʼ kə́ bɛ chɔ ndə kwii-i nɔʼ kwú. 2 Bɔ̂ŋ kə́ kíi Jiso ndə mənyíɛ mbɔ ɔ bu chʉ́ʼ mbʉ wo-ghɔ̄ ndəŋ Chîlɔʼkə mɛɛ, bɔ̂ŋ chʉʼ mɔ̀ʼ nukə kətʉ-ɔ. 3 Ɔ ghɔ̀ŋ tʉ mbʉ wo-ghɔ̄ ndə kwii-i nɔʼ kwú le mbɔ, "Gwè cha fɛ̄ŋ." 4 Ɔ bíʼtə tʉ bɔŋ mbɔ, "Bɛ yɔ̄ŋ-yə nukə, ndə nuʼ mɛ̀ʼtə mbɔ b̈ə fɔ̀ʼ ndəŋ Chîlɔʼkə, ndə məfɔ̀ʼ bʉ̀ʉ mɛ, kə məfɔ̀ʼ bʉ̂ʼʉ? Ndə məkwáa tʉ-wo-kə mɛ, kə məyí ɔ?" Bɔ̂ŋ líitə mbɔ loʼo. 5 Jiso lɛ́nə bɔŋ nə tʉʉbʉə, mu fyii-i kə́ chɔ́ŋhə ɔŋ shʉ́əshʉ́ə ndə bɔ̂ŋ shʉ́əhə fyiihə-ʉə. Ndʉʉmɛ, ɔ ghɔ̀ŋ tʉ wo-ghɔ̄ mbɔ, "Shyìi kwii-a." Ɔ shyìi mbʉ kwii, i bʉ̀nə bɛ jyujyu.