25 Wokebɛʼ nɔ kə bɛ chɔ ndə ɔ nɔʼ nyíɛ ŋgʉəʼ nə mbʉʼtəkə-i ndəŋ ŋgʉʼhə njuɔ bûu nə wuŋ. 26 Ɔ nɔʼ nyíɛ ŋgʉəʼ kəghɔ-bʉə bəfʉ buŋmbi, nɔʼ fɛ̀ŋ fɔbə-i inchəŋ təmə i tíŋ fɛ, kə́ bìʼ shʉ́əshʉ́ə. 27 Ndʉʉ ndə ɔ kə yʉ́ nubə te Jiso, ɔ gwè hə bɔ̌ŋ liɛŋ-ɔŋ mu bʉə, gwè kə̀ŋ ndyi-i, 28 bʉʼka ɔ nɔ nə ghɔ̀ŋ mbɔ, "Kaʼ mɔ buŋ kə̀ŋ bə ndyi-i, bə chìi mɔ kie nchʉʼ." 29 Haʼ ndʉʉghɔfii, mbʉ kəfɔbʉə ndə i kə́ fyú hə mbʉə-ɔ chə̀nə, ɔ kínə mu mbʉə-ɔ mbɔ ɔ nɔʼ kie nchʉʼ ndəŋ yɔʼkə-i.