1 BaKorinti 7

Nrisim fɛ́ ba ras naton Kuweneng

1 Yɔkɔnɔng, in shim in cɛɛt azaton nkyɔrɔk fi i nye yin ku rip na: Ey, i se gyat anet bi ra abining awo. 2 Awɛt nek ikɔk irɔm, won kaakyɛ anet na a bɛ́ abining wu, kaakyɛ abining na a bɛ́ amatek wu. 3 Won amatek e na ra kutomong iweneng sak na abining wu, won abining e na a nye anɔng sak na amatek wu bà. 4 Kurɔm abining e yet ku fuu aziwu awo, ku yet kufɛ́ amatek wu bà. Kpaf anɔng bà, kurɔm amatek e yet ku fuu aziwu awo, ku yet kufɛ́ abining wu bà. 5 I bi ro yin ace yin ne awo, tit ni kushim yin ngma, in fi kizen gyet, nɔng i da bin nabak yin ace yin na awon. Ama anɔng, ni ti ni ya yin kashon kɔn aShetan bi ki mara yin nek avit itekap kurɔm yin.