Marcos 10

4 Hewo nawedichila walonga, "Musa nakakundiza munhu yamwandichile kalatasi ya luleko mchewake na kumleka."

5 Yesu nakawalonjela, "Musa nakawandichila ilajizo alyo, kwa vila loyawene vyomuwele na nhumbula zigagadale. 6 Ila kulawila mwaluko vila Nguluwi loyalumbile isi, nakalumba mlume na mdala, kota vila Maandiko Matakatifu vyogalonjile. 7 Kwa chiwalo achi mlume komleka mhaza na mayake na kilumba hamwe na mche wake, 8 nawo weli wowa lukuli lumwe. Hawowa weli, ila lukuli lumwe. 9 Lelo choyachilumbize Nguluwi, munhu yaleche kulekaniza."