1 Gwa Mkulu Nguluwi, kwa hegwe ndangubilimila kikala goya,

uleche kundeka ne hado mbasigwe soni,

kwa kutanganika kwa hegwe undohole himahima.

2 Umbichile goya ikutu lyako, undohole.

Uwe kwa heni italawe lya kikala goya,

ngome iwele nzinzili kundohola.

3 Ena, hegwe ndo italawe na ngome ya heni,

kwa chiwalo cha itagwa lya hegwe undongoze na kundajila.

4 Undavye kuli idiwa lyowambichile chinyele,

kwa vila hegwe ndo honhu ha heni ha kubilimila.

5 Mmoko mwa hegwe ndanguwika muhe wa heni,

nakungombola, gwa Mkulu Nguluwi, Nguluwi wa kitumbila.