ରେମୁଆଁଇଂ ପାପ୍ ଡିଙ୍ଗ୍ବକ୍ନେ ମାନେନେ
1 ଏଜ୍ରା ପର୍ମେସର୍ନେ ଡୁଆ ସାମ୍ନାରେ ପାର୍ତନା ଡିଂଡିଙ୍ଗ୍ଗେ ବାରି ମେଁ ଡିଙ୍ଗ୍ବକ୍ନେ ବୁଲ୍ ମାନେଃଡିଙ୍ଗ୍ଗେ । ଆକେନ୍ ବେଲା ମେଁ ପର୍ମେସର୍ନେ ପାର୍ତନା ଡୁଆ ସାମ୍ନେ ମୁଣ୍ଡିଆ ବଗ୍ଚେଃ ଅଃଡିଂଗେ । ଏଜ୍ରା ଦେକ୍ରକମ୍ ଡିଂନେବେଲା ମୁଇଂ ଦଲ୍ ଇସ୍ରାଏଲ୍ନେ ଙ୍ଗିରେଇଂ, ସେଲାମ୍ବୁଏଃଇଂ ବାରି ଗଡ଼େଙ୍ଗ୍ଇଂ ମେଁ ପିତୁର୍ପାକା ଗେରେଚେ ଲେଃଆର୍ଗେ । ଆତେନ୍ ଇସ୍ରାଏଲ ରେମୁଆଁଇଂ ଡିଗ୍ ଜାବର୍ ଅଃଆର୍ଡିଂଗେ । 2 ଆକେନ୍ ଇଡ଼ିଙ୍ଗ୍ ଏଲମନେ ଉଂଡେଇଂନେ ବାନ୍ ଯିହୀୟେଲନେ ଉଂଡେ ଶକନିୟ ଏଜ୍ରାକେ ଉତ୍ତର ବିଃକେ, "ନେ ନେନେ ପର୍ମେସର୍ନେ ବିରଦ୍ରେ ବିସାସ୍ଗାତ୍ ଡିଂନେବକେ । ନେ ବିନ୍ ଦେସ୍ ଲାଏଃକ୍ନେ ଜାତିନେ ସେଲାବୟ ଇଂକେ ବିଏ ଡିଂନେଲେକେ । ମାତର୍ ନେ ଦେକ୍ରକମ୍ ଡିଂଲା ଡିଗ୍ ନେନେ ଇସ୍ରାଏଲ୍ ଆରାତ୍ରା ଆସା ଲେଃକେ । 3 ଏବେ ନେ ନେନେ ମାପ୍ରୁନେ ବାରି ନେ ପର୍ମେସର୍ନେ ଆଦେସ୍ରେ ଦଡ଼୍କେ ୱେଲେଃକ୍ନେ ରେମୁଆଁଇଂନେ ବାବ୍ନା ଇସାବ୍ରେ ଆକେନ୍ ସାପା ସେଲାମ୍ବୁଏଃଇଂକେ ବାରି ମେଙ୍ଗ୍ବାନ୍ ଜନମ୍ ଡିଂଲାଏଃକ୍ନେ ଉଂଡେଇଂକେ ଦୁର୍ ଆଃଡିଂବିନ୍ସା ନେନେ ପର୍ମେସର୍ ଏତେ ନିଅମ୍ ନେଡିଂଏ ବାରି ଆକେନ୍ ପର୍ମେସର୍ନେ ନିଅମ୍ ଇସାବ୍ରେ ଡିଂଲେ । 4 ଅ ଏଜ୍ରା, ତଃଡ଼ିଆ, ମେଁ ଡାଗ୍ଲା ଆକେନ୍ ନା ଆରାତ୍ରା ଏନ୍ କାମ୍ ଡିଂନେ ଅଜନ୍ ଲେଃକେ, ଆତେନ୍ସା ନେ ଆନା ନେ ସାଇଜ ନେଡିଂଏ । ସାଆସ୍ ସାଃଚେଃ ଆକେନ୍ କାମ୍ ଡିଂ ।"
5 ତେଲା ଏଜ୍ରା ତଃଡ଼ିଆକେ । ଆତେନ୍ ବ୍ନାଲିର୍ ଇସାବ୍ରେ ସ୍ଲେନ୍ସା ପୁଜାରିଇଂନେ, ଲେବୀୟଇଂନେ ବାରି ସାପା ଇସ୍ରାଏଲ୍ନେ ମ୍ନାଃ ରେମୁଆଁକେ ପାର୍ମାନ୍ ଆଃଡିଂକେ । ତେଲା ମେଇଂ ପାର୍ମାନ୍ ଡିଂକେ । 6 ଆକେନ୍ ଇଡ଼ିଙ୍ଗ୍ ଏଜ୍ରା ପର୍ମେସର୍ନେ ଡୁଆ ସାମ୍ନେବାନ୍ ତଃଡ଼ିଆଚେ ଇଲୀୟାଶୀବ୍ନେ ଉଂଡେ ଯିହୋହାନନନେ ବାକ୍ରାନିଆ ୱେକେ । ଏଜ୍ରା ଆତ୍ଅରିଆ ଲେଃକେଲା ମେଁ କାଦି ଚଙ୍ଗ୍ ଆଲେଗେ କି ଣ୍ଡିଆ ଡିଗ୍ ଉଗ୍ ଆଲେଗେ । ଜାଣ୍ଡେଇଂ ଯିରୂଶାଲମବାନ୍ ଆଣ୍ଡେ ପାଙ୍ଗ୍ଲେଃଆର୍ଗେ ଆତେନ୍ ଇସ୍ରାଏଲ୍ ରେମୁଆଁଇଂନେ ଅମାନି ନ୍ସାଃ ମନେ ମନେ ଜାବର୍ ଅଃକେ ।
7 ଆକେନ୍ ଇଡ଼ିଂ ମେଁ ଯିହୁଦା ବାରି ଯିରୂଶାଲମନେ ସାପାପାକା କବର୍ ବେଃକେ । ବାରି ମେଁ ଆତେନ୍ ରେମୁଆଁଇଂକେ, ଜାଣ୍ଡେଇଂ କି ବନ୍ଦି ଡିଂଲାଏଃକ୍ନେବାନ୍ ଆଣ୍ଡେ ପାଙ୍ଗ୍ଆର୍ଲେଃଗେ, ମେଙ୍ଗ୍ ଡାଗ୍ରା ବାସଙ୍ଗ୍କେ, ମେଇଂ ଯିରୂଶାଲମନିଆ ରିସିଙ୍ଗ୍ଆର୍ଏ । 8 ବାରି ନେତାଇଂନେ ବାରି ମ୍ନାଃରେଇଂନେ ଆଦେସ୍ ଇସାବ୍ରେ ଜା ଜଦି ଜିର୍ସି ଦିନା ବିତ୍ରେ ଆୱେଚା ଆର୍, ତେଲା ମେଁନେ ସାପା ସମ୍ପତି ଡୁଂଡଏ ବାରି ମେଁ ନିଜେ ବନ୍ଦି ଡିଂଲାଏଃକ୍ନେବାନ୍ ସମାଜ୍ବାନ୍ ବିନେ ଆଃଡିଂବିଏ । 9 ଆତେନ୍ସା ଯିହୁଦା ବାରି ବିନ୍ୟାମୀନ୍ନେ ସାପା ରେମୁଆଁ ଜିର୍ସି ବିତ୍ରେ ଯିରୂଶାଲମନିଆ ରିସିଂଆର୍କେ । ଆତେନ୍ ଦିନା ସନ୍ତିଙ୍ଗ୍ ଆର୍କେନେ ମୁଇଂକୁଡ଼ି ଦିନା ଲେଃଗେ । ବାରି ସାପା ରେମୁଆଁ ପର୍ମେସର୍ନେ ଡୁଆନେ ସାମ୍ନା ଲେକ୍ନେ ଚକ୍ନିଆ କଚେଃ ଆତେନ୍ ବିଷୟ୍ ବାରି ଜାବର୍ ଣ୍ଡିଆଃ ଗୁର୍ନେ ସାମୁଆଁ ବାସଙ୍ଗ୍ଚେ ବୁଟ ଆର୍ଡିଂଗେ ।
10 ଆକେନ୍ ଇଡ଼ିଂ ଏଜ୍ରା ପୁଜାରି ତୁଆଁଚେ ଆମେଇଂକେ ବାସଙ୍ଗ୍କେ, "ପେ ସତ୍କେ ଅମାନି ପେଡିଙ୍ଗ୍କେ ବାରି ଇସ୍ରାଏଲ୍ନେ ପାପ୍କେ ବେସି ଆଃଡିଂପେବକେ, ମେଁ ଡାଗ୍ଲା ପେ ଇସ୍ରାଏଲ୍ ଦେସ୍ ଣ୍ଡୁନେ ସେଲାମ୍ବୁଏଃଇଂକେ ବିଏ ଡିଂପେଲାଏଃକେ । 11 ଆତେନ୍ସା ଏବେ ପେନି ନ୍ତାଇଂନେ ପର୍ମେସର୍ ମାପ୍ରୁ ଡାଗ୍ରା ପେନେ ପାପ୍ବାନ୍ କେମା ସାଲ୍ୟାଃପା । ବାରି ଆମେକେ ଇକ୍ଚା ଡିଂକ୍ନେ କାମ୍ ଡିଂପା । ବାରି ଦେସ୍ନେ ବିନ୍ ଜାତିନେ ବାନ୍ ବାରି ବିନ୍ ଦେସ୍ଅରିଆ ଲାଏଃକ୍ନେ ସେଲାମ୍ବୁଏଃଇଂନେବାନ୍ ପେ ନିଜେକେ ବିନେ ଡିଂପା ।" 12 ଆତେନ୍ ବେଲା ସାପା ସମାଜ୍ ମୁଇଂତୁଗ୍ ରିସିଂଚେ ଏଜ୍ରାକେ ୱାସାର୍ଚେ ବାସଙ୍ଗ୍ଆର୍କେ, "ଅ ଏଜ୍ରା, ନା ଟିକ୍ ନାବାସଙ୍ଗ୍କେ । ନା ଆନେକେ ମେଁ ନାବାସଙ୍ଗ୍କେ ନେ ଟିକ୍ ଦେତ୍ରକମ୍ ନେଡିଂଏ । 13 ମାତର୍ ଆକ୍ଅରିଆ ଜାବର୍ ରେମୁଆଁ ଲେଃଆର୍କେ ବାରି ଆକେନ୍ ଣ୍ଡିଆଃ ଗୁର୍ନେ ବେଲା । ଆରି ନେ ବାଏରେ ତୁଆଁ ନେୟା ଣ୍ଡୁ । ବାରି ଆକେନ୍ ମୁଇଂ ଦିନା କି ମ୍ୱାର୍ ଦିନାନେ କାମ୍ ଣ୍ଡୁ, ମେଃଡାଗ୍ଲା ଆକେନ୍ ବିସଏରେ ନେ ମ୍ନା ପାପ୍ ଡିଂନେବକେ । 14 ଆତେନ୍ସା ସାପା ସମାଜ୍ ଆତ୍ଲା ନେନେ ନେତାଇଂ ମିସୁଃଆର୍ଲେଃ । ମୁଃଡ଼ି ରେମୁଆଁଇଂ ବିନ୍ ଦେସ୍ନେ ସେଲାମ୍ବୁଏଃକେ ବିଏ ଡିଂଲେଃଆର୍କେ, ମେଇଂ ସାପାରେ ସମାନ୍ ବେଲା ପାଙ୍ଗ୍ଆର୍ଲେ ବାରି ମେଇଙ୍ଗ୍ ଏତେ ସାପା ଇନିନେ ମ୍ନାଃରେ ବାରି ବିଚାର୍ ଡିଂଣ୍ଡ୍ରେ ପାଙ୍ଗ୍ଆର୍ଲେ । ନେନେ ପର୍ମେସର୍ନେ ରିସା ଉଃଡ଼ିବେଲା ଜାକ ଆୱେ ଆତେନ୍ ବେଲା ଜାକ ଆକେନ୍ ବିଷୟ୍ ଆସାଃଆର୍ ଣ୍ଡୁ ।" 15 ଆକେନ୍ ସାମୁଆଁ ବିରୁଦ୍ରେ ଅସାହେଲନେ ଉଂଡେ ଯୋନାଥନ୍ ବାରି ତିକ୍ବନେ ଉଂଡେ ଯହସିୟ ତଃଡ଼ିଆକେ, ବାରି ମଶୁଲ୍ଲମ୍ ବାରି ଲେବୀୟ ଶବ୍ବଥୟ ଆମେଇଂକେ ସାଇଜ ଡିଂକେ ।
16 ମାତର୍ ବନ୍ଦି ଡିଂଲେକ୍ନେ ଉଂଡେଇଂ ଦେତ୍ରକମ୍ କାମ୍ ଡିଂଆର୍କେ । ବାରି, ଏଜ୍ରା ପୁଜାରି ଆତେନ୍ ରେମୁଆଁଇଂକେ ସ୍ରିକେ, ଜାଣ୍ଡେଇଂ ପରିବାର୍ ବିତ୍ରେ ମୁକିଆ ଲେଃଗେ । ସାପାନେ ଡୁଆଣ୍ଡ୍ରେବାନ୍ ମୁଇଂ ଲାଃକା ରେମୁଆଁକେ ସ୍ରିକେ । ବାରି ମେଇଂ ଗୁଆ ଆର୍କେନେ ପର୍ତୁମ୍ ଦିନା ଆତେନ୍ ବିସଏ ତୁର୍ନେସା କଆର୍କେ । 17 ବାରି ମେଇଂ ପର୍ତୁମ୍ ଆର୍କେନେ ପର୍ତୁମ୍ ଦିନା ବିନ୍ ଦେଶ୍ନେ ସେଲାମ୍ବୁଏଃକେ ବିଏ ଡିଂଲେକ୍ନେ ଙ୍ଗିର୍ବଏଃ ସାପାରେନେ ବିଚାର୍ ଡିଂଆଃଡାକେ ।
ବିଦେସ୍ନେ ସେଲାମ୍ବୁଏ ବିଏଡିଙ୍ଗ୍ଲେଃକ୍ନେ ରେମୁଆଁଇଂନେ ମ୍ନି
18 ପୁଜାରିଇଂନେ ଉଂଡେଇଂନେ ବାନ୍ ଜାଣ୍ଡେଇଂ ବିନ୍ ଦେଶ୍ନେ ସେଲାମ୍ବୁଏଃଇଂକେ ବିଏ ଡିଂଲେଃଗେ, ମେଇଂ ଡିଂକେ ଦେକ୍ରକମ୍, ଯୋଷାଦକନେ ଉଂଡେ ଯେଶୂୟନେ ଉଂଡେଇଂ ବାରି ମେଁନେ ବୟାଁଇଂନେ ବିତ୍ରେ ମାସେୟ, ଇଲୀୟେଜର, ଯାରିବ ବାରି ଗଦଲିୟ । 19 କିମେଇଂ ନିଜର୍ ନିଜର୍ ସେଲାମ୍ବୁଏଃଇଂକେ ଆନ୍ତାର୍ନେବିଏ ଡାଗ୍ଚେ ବାସଙ୍ଗ୍ବଗେ । ବାରି ମେଇଂ ପାପ୍ ଡିଙ୍ଗ୍ବଲା ନିଜର୍ ନିଜର୍ନେ ଦସ୍ ନ୍ସା ମେଣ୍ଡା ରାସିଇଂନେବାନ୍ ମୁଇଂ ମୁଇଂ ମେଣ୍ଡା ବିଃଆର୍କେ । 20 ଆରି ଇମ୍ମେରନେ ଉଂଡେଇଂନେବାନ୍ ହନାନି ବାରି ସବଦିୟ । 21 ଆରି ହାରୀମନେ ଉଂଡେଇଂନେବାନ୍ ମାସେୟ ଆରି ଏଲୀୟ ଆରି ଶମୟୀୟ ଆରି ଯିହୀୟେଲ ଆରି ଉଷିୟ । 22 ଆରି ପଶ୍ହୂରନେ ଉଂଡେଇଂନେ ବାନ୍ ଇଲୀୟୋ-ଐନୟ, ମାସେୟ, ଇଶ୍ମାୟେଲ, ନଥନେଲ୍, ଯୋଷାବଦ୍ ଆରି ଇଲିସାୟ ।
23 ଆରି ଲେବୀୟଇଂନେ ବାନ୍ ଯୋଷାବଦ୍ ଆରି ଶିମୀୟି ଆରି କଲାୟ, ଆକ୍ମେକେ କଲିଟ ବାସଙ୍ଗ୍ ମ୍ୟାକେ, ପଥାହୀୟ, ଯିହୁଦା ଆରି ଇଲୀୟେଜର ।
24 ଆରି ଅସ୍ମାର୍ ସାର୍ଣ୍ଡ୍ରେବାନ୍ ଇଲୀୟାଶୀବ୍ । ର୍ଣ୍ଣସାଂ ଉର୍ଣ୍ଡ୍ରେବାନ୍ ଶଲ୍ଲୁମ୍ ଆରି ଟେଲମ୍ ଆରି ଊରି ।
25 ଇସ୍ରାଏଲ୍ ବିତ୍ରେ ପରିୟୋଶନେ ଉଂଡେଇଂନେ ବାନ୍ ରମିୟ ଆରି ଯିଷିୟ ଆରି ମଲ୍କିୟ ଆରି ମିୟାମୀନ୍ ଆରି ଇଲୀୟାସର ଆରି ମଲ୍କିୟ ଆରି ବନାୟ । 26 ଆରି ଏଲମନେ ଉଙ୍ଗ୍ଡେଇଂବାନ୍ ମତ୍ତନୀୟ, ଜିଖରିୟ ଆରି ଯିହୀୟେଲ ଆରି ଅବ୍ଦି ଆରି ଯିରେମୋତ୍ ଆରି ଏଲୀୟ । 27 ଆରି ସତ୍ତୂନେ ଉଙ୍ଗ୍ଡେଇଂନେବାନ୍ ଇଲୀୟୋ-ଐନୟ, ଇଲୀୟାଶୀବ୍ ଆରି ମତ୍ତନୀୟ ଆରି ଯିରେମୋତ୍ ଆରି ସାବଦ୍ ଆରି ଅସୀସା । 28 ବାରି ବେବୟନେ ଉଂଡେଇଂନେବାନ୍ ଯିହୋହାନନ୍, ହନାନୀୟ, ସବ୍ବେୟ, ଅତ୍ତଲୟ । 29 ଆରି ବାନିନେ ଉଂଡେଇଂନେବାନ୍ ମଶୁଲ୍ଲମ୍, ମଲ୍ଲୁକ ଆରି ଅଦାୟା, ଯାଶୂବ୍ ଆରି ଶାଲ, ଯିରେମୋତ୍ ।
30 ଆରି ପହତ୍ ମୋୟାବନେ ଉଂଡେଇଂନେବାନ୍ ଅଦନ୍ ବାରି କଲାଲ୍, ବନାୟ, ମାସେୟ, ମତ୍ତନୀୟ, ବତ୍ସଲେଲ ବାରି ବିନ୍ନୁୟି ବାରି ମନଃଶି ।
31 ଆରି ହାରୀମନେ ଉଂଡେଇଂନେବାନ୍ ଇଲୀୟେଜର, ଯିଶିୟ, ମଲ୍କିୟ, ଶମୟୀୟ, ଶିମିୟୋନ୍ । 32 ବିନ୍ୟାମୀନ୍, ମଲ୍ଲୁକ, ଶମରୀୟ ।
33 ହଶୂମନେ ଉଙ୍ଗ୍ଡେଇଂନେବାନ୍ ମତ୍ତନୟ, ମତ୍ତତ୍ତ, ସାବଦ୍, ଇଲୀଫେଲଟ୍, ଯିରେମୟ, ମନଃଶି, ଶିମୀୟି ।
34 ବାନିନେ ଉଂଡେଇଂନେବାନ୍ ମାଦୟ, ଅମ୍ରାମ୍ ବାରି ଉୟେଲ । 35 ବନାୟ, ବେଦିୟା, କଲୁହୁ । 36 ବନିୟ, ମରେମୋତ୍, ଇଲୀୟାଶୀବ୍ । 37 ମତ୍ତନୀୟ, ମତ୍ତନୟ ବାରି ଯାଶେୟ ।
38 ବାରି ବାନି ଆରି ବିନ୍ନୁୟି, ଶିମୀୟି; 39 ଶେଲିମୀୟ ଆରି ନାଥନ୍ ଆରି ଅଦାୟା; 40 ମଗ୍ନଦ୍ବୟ, ଶାଶୟ, ଶାରୟ; 41 ଅସରେଲ ଆରି ଶେଲିମିୟ, ଶମରୀୟ । 42 ଶଲ୍ଲୁମ୍, ଅମରୀୟ, ଯୋଷେଫ୍ ।
43 ନବୋନେ ଉଂଡେଇଂନେ ବାନ୍ ଯିୟୟେଲ, ମତ୍ତଥିୟ, ସାବଦ୍, ସବୀନଃ, ଯଦୟ ଆରି ଯୋୟେଲ୍, ବନାୟ ।
44 ଆକେନ୍ ସାପାରେ ବିନ୍ ଦେସ୍ ଲାଏଃକ୍ନେ ସେଲାମ୍ବୁଏଃକେ ଆଣ୍ଡାର୍ ବଃଗେ । ଆରି ଆତେନ୍ ସେଲାମ୍ବୁଏଃଇଂନେବାନ୍ ଜା ଜାନେ ଗଗିସିଆଃ ଜନମ୍ ଡିଂଲେଗେ ।
/images/a/Tcg2NiV7ce24OT6kCIQGR)
/images/a/lTDTr17sdXbuk0Q46fQTo)