ଉପାସ୍ ଆରି ପାର୍ତନା
21 ଆକେନ୍ ଇଡ଼ିଂ ନେ ଆତ୍ଲା, ନେନେ ଗୋ ଗିସିଆ ଆତ୍ଲା, ନେନେ ସାପା ଦନ୍ସମ୍ପତ୍ତି ଆତ୍ଲା ମୁଇଂ ସିଦା ଗାଲି ଆତ୍ଲା ପାର୍ତନା ଡିଂନେସା ନେନେ ପର୍ମେସର୍ନେ ଡାଗ୍ରା ନିଜେକେ ଦରମ୍ ଆଃଡିଂନେସା ନେ ଅହବା ଇନିନେ ଲଣ୍ଡିଆ ଡାଗ୍ରା ଉପାସ୍ ଡିଂ ନ୍ସା ନେବାସଙ୍ଗ୍କେ । 22 ମାତର୍ ଗାଲି ଅରିଆ ସତ୍ରୁ ବିରୁଦ୍ରେ ଆନେକେ ସାଇଜ ଡିଂନ୍ସାଃ ରାଜାନେ ମୁଇଂ ଦଲ୍ ସନ୍ୟ ବାରି ଗଡ଼ାକେ ସାଲିଆନ୍ସା ଆନେକେ ଗିଆସ ଲାଗେକେ । ନେଙ୍ଗ୍ ରାଜାକେ ଆକେନ୍ ସାମୁଆଁ ମ୍ୱାସଙ୍ଗ୍କେ, ଜାଣ୍ଡେଇଂ ନେନେ ପର୍ମେସର୍କେ ତୁର୍ଆର୍ଏ, "ମେଙ୍ଗ୍ନେ ମଙ୍ଗଲ୍ ନ୍ସା ମେଙ୍ଗ୍ନେ ଆରାତ୍ରା ମେଁନି ନ୍ତି ଲେଃକେ । ମାତର୍ ଜାଣ୍ଡେଇଂ ଆମେକେ ଆନ୍ତାର୍ ଆର୍ଏ, ମେଁନି ବପୁ ବାରି ରିସା ମେଙ୍ଗ୍ନେ ବିରୁଦ୍ରେ ଲେଃଏ ।" 23 ଆତେନ୍ସା ନେ ଉପାସ୍ ନେଡିଂକେ ବାରି ନେନେ ପର୍ମେସର୍ ଡାଗ୍ରା ଗୁଆରି ନେଡିଂକେ ବାରି ମେଁ ନେନେ ପାର୍ତନା ନିଆ ଉତର୍ ବିଃକେ ।
ଯିରୂଶାଲମ ବାର୍ମୁଇଂତର୍ ୱେନେ
31 ଆକେନ୍ ଇଡ଼ିଙ୍ଗ୍ ନେ ଯିରୂଶାଲମ ୱେନ୍ସା ପର୍ତୁମ୍ ଆର୍କେନେ ଗମ୍ୱାର୍ ଦିନାକେଲା ଅହବା ଇନିନେ ଲଣ୍ଡିଆବାନ୍ ନେୱେକେ । ନେନେ ପର୍ମେସର୍ନେ ନ୍ତି ଆନେକେ ସାହା ଡିଂକେ । ବାରି ଗାଲି ଅରିଆ ମେଁ ସତ୍ରୁକେ ବାରି ବୁଡ଼ିଚେ ବଗ୍ନେ ରେମୁଆଁଇଂନେ ନ୍ତି ବାନ୍ ଆନେକେ ଉଦାର୍ ଡିଂକେ ।