Msekuwa na lumbavya na want’hu sio watogozi wa Kilisito
14 Msekuwa na lumbavya na wanthu sio watogozi. Vino, wende na uhasanyi vikuwa na lumbavya kweli? Lumuli na ziza vikudahaze kukala hamwe? 15 Kilisito na Shetani wakudahaze kutegelezana? Mtogozi na sio mtogozi wakudaha kuwa na lumbavya uli? 16 Kaya ya Mulungu ikudaha kuwa na milungu ya nyank’hiti? Kwavila cheye ni Kaya ya Mulungu eli mgima. Gesa Mulungu mwenyewe ivoalongile,
"Nanikale hamwenga nao na kugenda hamwenga nao,
naniwe Mulungu wawe,
naao nawawe want’hu wangu."
17 Vilavila Mndewa akulonga,
"Muhalawe hagati yawe, muinege nao,
msekudosa chint’hu chochote hachikufaya,
nanie naniwahokele.
18 Nie naniwe Tati yenu,
na mweye namuwe wanangu, wanalume na wanake,
Ninie Mndewa Mulungu nili na udahi nio hulonga ayo."