1 Wakolinto 6

4 Mbali mzimbuli zose, chikuilagisa kuwa kweli cheye ni watumigwa wa Mulungu, kwa kufinyiliza chipindi cha mahenyeko, madala na magayo. 5 Chitoigwa, chikafungigwa mmageleza na chizomelwa, chikatenda sank’ho ndala, chikugona meso, chisinda bila kudya na chigona nzala. 6 Mbali chikuilagisa kuwa watumigwa wa Mulungu kwa unank’hana wa moyo, umanyi, kufinyiliza, wende na kwa kulongozwa na Muhe wa Mulungu na kwa ubwedo wa kweli, 7 na kwa kulonga nt’hume ya kweli ya Mulungu na chikutenda ayo yose kwa nguvu zake. Kutogoligwa nio gesa silaha yetu ya kuchamila na kutoanila. 8 Cheye chikumsank’hanila Mulungu. Chikatogoligwa egu chikalemigwa, chikadukanwa egu chikatunyigwa. Chikugesigwa kuwa wahuni, kumbe chikulonga kweli, 9 chikuoneka hachikumanyika kumbe chikumanyika goya, chikuoneka chidanganika kumbe chiwagima, chitoigwa nk’hani mbali hachikomigwe. 10 Hata ikawa chikuoneka china usungu, mbali siku zose chikudenk’helela, chikuoneka wachiwa, mbali want’hu wengi chiwenk’ha utajili, chikuoneka chibule chint’hu chochote, mbali china vint’hu vose.